ગુજરાતી સાહિત્ય

 
 
રે…. વણઝારા……
રે…. વણઝારા……

તારી કાંગસીએ તોડ્યો મારો સોનેરી વાળ,
મને બદલામાં વેણી લઇ આપ.
રે…. વણઝારા……
પાથરણા આપું તને આપું પરવાળા,
પૂનમ ઘોળીને પછી આપું અજવાળા…
રે…. વણઝારા……
તારી મોજડીએ તોડી મારી મોતીની પાળ,
મને બદલામાં દરિયો લઇ આપ.
રે…. વણઝારા……
રાજપાટ આપું તને આપું ધબકારા,
પાંપણની પાંદડીના આપું પલકારા…
રે…. વણઝારા……
તારા ટેરવે તણાયા મારા કમખાના ઢાળ,
મને બદલામાં ટહુકો લઇ આપ.
 
– વિનોદ જોષી

 
સ્વર : કલ્પક ગાંધી
સ્વરાકંન : કલ્પક ગાંધી