ધીમો ધીમો વરસાદ પ્રીત દે છે
Sep 25
ગીત Comments Off on ધીમો ધીમો વરસાદ પ્રીત દે છે
ધીમો ધીમો વરસાદ પ્રીત દે છે કોઇ ને સાદ રે ધીમો ધીમો વરસાદ
ભીના સપના ભીની રાતો મેહકી ઉઠી એની યાદ રે ધીમો ધીમો વરસાદ!
ભીંજાઈ હૈયા ની ધરતી રે શરમાયું આંખોનું આભ
ટહુકયાં રે મનના મોરલિયા રે
આંગણિયા લીલી લીલી છાબ
કે આ મૌસમ મૌજ-એ-દરિયા કોઇ નદી થઈ એમાં વહી જાઉં રે…
ધીમો ધીમો વરસાદ પ્રીત દે છે કોઇ ને સાદ રે ધીમો ધીમો વરસાદ
ભીના સપના ભીની રાતો મેહકી ઉઠી એની યાદ રે ધીમો ધીમો વરસાદ!
કોઇ જો પોતાનું હોય તો દુનિયા કેવી વ્હાલી લાગે રે…
એની હારે બે મીઠી વાત રે..
બીજું કોઈ શું માંગે રે!
એના રંગો અંગે અંગે , અંગે અંગે આવી રંગે ! હું ઉમંગે ઉમંગે હરખાઉ રે ! ધીમો ધીમો વરસાદ પ્રીત દે છે કોઇ ને સાદ રે ધીમો ધીમો વરસાદ –
– જીગરદાન ગઢવી
સ્વર : જીગરદાન ગઢવી, ઐશ્વર્યા મજમુદાર
સંગીત : જીગરદાન ગઢવી