વજન કરે તે હારે રે મનવા..
ભજન કરે તે જીતે..
તુલસી દલ થી તોલ કરો તો..
બને પવન પરપોટો..
રે મનવા ભજન કરે તે જીતે..

અને હિમાલય મુંગો હેમ નો..
તો મેરૂ થી મોટો..
આ ભારે હળવા હરિવન ને..
મૂલવવો શી રીતે..
રે મનવા ભજન કરે તે જીતે..
વજન કરે તે હારે રે મનવા..

એક ઘડી તને માંડ મળી છે..
આ જીવતર ને ઘાટે..
સાચ ખોટ ના ખાતા પાડી..
એમાં તું નહિ ખાટે..
સહેલીશ તું સાગર મોજે કે..
પડ્યો રહીશ પછીતે..
રે મનવા ભજન કરે તે જીતે..
વજન કરે તે હારે રે મનવા..

આવ હવે તારા ગજ મુકી..
વજન મુકી ને ફરવા..
નવલખ તારા નીચે બેઠો..
ક્યા ત્રાજવડે તરવા..
ચૌદ ભુવન નો સ્વામી આવે..
ચપટી ધુળ ની પ્રીતે..
રે મનવા ભજન કરે તે જીતે..
વજન કરે તે હારે રે મનવા..

  • મકરંદ દવે

સ્વર : નયન પંચોલી

Sharing is caring!