હું સાંકડી ગલીમાં
Nov 03
ગઝલ Comments Off on હું સાંકડી ગલીમાં
હું સાંકડી ગલીમાં, રસ્તો કરી જવાનો.
માણસ સુધી જવાનો, આગળ નથી જવાનો
પાષાણ સમ હૃદયમાં, પોલાણ શક્ય છે દોસ્ત,
તું ઓગળી પ્રથમ જા, એ પીગળી જવાનો.
એવી ખબર છે આવી, તું નીકળી નદી થઈ,
દરીયાની એટલે હું, ખારાશ પી જવાનો.
તારા ઉપરની મારી, દીવાનગી ગમે છે,
મારા સીવાય કોને, હું છેતરી જવાનો ?
હું છું જ કૈક એવો, તું છોડ આ પ્રયત્નો,
તું ભુલવા મથે ને, હું સાંભરી જવાનો.
હોવાપણું ઓ ઈશ્વર, તારું વીવાદમાં છે,
મારી તરફ હું તેથી, પાછો વળી જવાનો.
-ગૌરાંગ ઠાકર
સ્વર : અસીમ મહેતા