ચેતના, સંવેદના ને લાગણી તરફ
Mar 24
ગઝલ Comments Off on ચેતના, સંવેદના ને લાગણી તરફ
ચેતના, સંવેદના ને લાગણી તરફ,
આપણે પાછા વળીએ આપણી તરફ.
સર્વનાશી ક્ષણ પછીનો માનવીનો પ્રેમ,
જો મળે તો હું ઢળું એ માગણી તરફ.
તીર જેવાં તીક્ષ્ણ ચહેરાની લડાઈ આ,
આંસુને પાછાં ધકેલો છાવણી તરફ.
મુઠ્ઠી છોડો એક આલિંગન નજીક છે,
હાથ ફેલાવી જુઓ એ તાપણી તરફ.
બહુ થયું ઓછી કરો આ કાપણી હવે,
હાથને વાળો હવે કોઈ વાવણી તરફ.
-શ્યામલ મુનશી
સ્વર : શ્યામલ મુનશી
સ્વરાંકન : શ્યામલ મુનશી