તમને સમય નથી અને મારો સમય નથી
May 11
ગઝલ Comments Off on તમને સમય નથી અને મારો સમય નથી
તમને સમય નથી અને મારો સમય નથી
કોણે કહ્યું કે આપણી વચ્ચે પ્રણય નથી
રોકી રહી છે તમને તમારી શરમ અને
મારા સિવાય મારે બીજો કોઈ ભય નથી
વિસરી જવું એ વાત મારા હાથ બહાર છે
ને યાદ રાખવું એ તમારો વિષય નથી!
હું ઈન્તેજારમાં અને તમે હો વિચારમાં
એ પણ છે શરૂઆત કંઈ આખર પ્રલય નથી
-બાપુભાઈ ગઢવી
સ્વર : પુરૂષોત્તમ ઉપાધ્યાય
સ્વરાંકન : પુરૂષોત્તમ ઉપાધ્યાય