મને મારગે મળ્યા’તા શ્યામ
May 23
ગીત Comments Off on મને મારગે મળ્યા’તા શ્યામ
મને મારગે મળ્યા’તા શ્યામ, કોણ માનશે?
એક મીટમાં મળ્યા’તા શ્યામ, કોણ માનશે?
એને માથાનું મોરપિચ્છ વ્હાલે ધર્યું,
એની મોરલીની મીઠપથી છલક્યું ગળું,
મારી સંગે હળ્યા’તા શ્યામ, કોણ માનશે?
એની આંખડીથી વૃંદાવન છલકી ગયું,
એના હોઠને વળાંક વ્હાલ મલકી ગયું,
મારે હૈયે ઢળ્યા’તા શ્યામ, કોણ માનશે?
-હરીન્દ્ર દવે
સ્વર : હિમાલી વ્યાસ
સ્વરાંકન : રસિકલાલ ભોજક