તારા મુખની લાવણતા મીઠી
May 30
ગીત Comments Off on તારા મુખની લાવણતા મીઠી
તારા મુખની લાવણતા મીઠી રે, મોહન વનમાળી,
એવી ત્રિભુવનમાં નવ દીઠી રે, મૂરતિ મરમાળી…
ચટક રંગીલા તારા મોળીડાને છેડે, મનડું ડોલે છે કેડે કેડે રે…
રંગડો જામ્યો છે ફૂલડાને તોરે, ભમરા ભમે છે ચહુ કોરે રે…
ભાલ તિલક કેસર કેરું રાજે, મુખ જોઈ શશિયર લાજે રે…
બ્રહ્માનંદ કહે સર્વસ્વ વારું, રૂપ જોઈને વહાલા તારું રે…
સ્વર : ઓસમાણ મીર
સ્વરાંકન : ગૌરાંગ વ્યાસ