માધવ હું તમારી મીરાં
Jul 29
ગીત Comments Off on માધવ હું તમારી મીરાં
માધવ હું તમારી મીરાં
ઓળખ માટે ઘૂંઘરું આપું
દઇ દઉં નયન અધીરાં
ઝેર પીધું તે ઓછું છે કે
હવે જુઓ છો ત્રાસું
આંખોમાં તો જુઓ ક્યારનું
ડળક ડળક ચોમાસું
એકવાર તો મળી જાઓ ને
યમુનાજીને તીરાં
મોરપીંછ નો મંડપ બાંધી
લગન કર્યા’તા શ્યામ
સાવ અજાણ્યા થઇ ને આજે
પૂછો કાં મારું નામ !
આમ પૂછીને તમે જ આપણાં
તોડીયાં રે મંદિરાં
– સુરેશ દલાલ
સ્વર : પ્રગતિ વોરા
સ્વરાંકન : રાજેશ પઢારિયા