આવ તોયે ચાલશે
Aug 01
ગઝલ Comments Off on આવ તોયે ચાલશે
[wonderplugin_audio id=”880″]
આવ તો યે ચાલશે, ના આવ તોયે ચાલશે,
દૂરથી બસ, વ્હાલ તું વરસાવ તોયે ચાલશે
એક પળ પૂરતો હશે લગાવ તોયે ચાલશે
એ પછી કાયમ રહે અભાવ તોયે ચાલશે
સાવ તો પીડાથી અળગાં થઈ શકાવાનું નથી,
રુઝતા હો એક-બે જો ઘાવ તોયે ચાલશે
ત્યાં કિનારે કોઈ મારી રાહ જુએ છે, હવે
છો ને ચાહે ડૂબવાને નાવ તોયે ચાલશે
: હિમલ પંડ્યા
સ્વર : ફિરદૌસ દેખૈયા
સ્વરાંકન : ફિરદૌસ દેખૈયા