હું અસલ રીતે …
Sep 04
ગઝલ Comments Off on હું અસલ રીતે …
રાજ લખતરવી
હું અસલ રીતે અસલને પી ગયો
જામ માં ઘોળી ગઝલને પી ગયો
ભેદ પીવામાં કશો રાખ્યો નહીં
પી ગયો અમરત ગરલને પી ગયો
અંજલિ પીધી ન પીધી ડાયરે
ત્યાં હું ખંગાળી ખરલને પી ગયો
શું કહેવું દોસ્ત તરસ્યા સૂર્યને
એ જગતભરના તરલને પી ગયો
ભર બપોરે ગટગટાવ્યા ઝાંઝવા
ને સવારે ‘રાજ’ વલને પી ગયો
-રાજ લખતરવી
સ્વરઃ ડો ફિરદૌસ દેખૈયા
સ્વરાંકન : ડો ફિરદૌસ દેખૈયા