જિંદગીમાં જેટલા માઠા અનુભવ થાય છે
Jul 06
ગઝલ Comments Off on જિંદગીમાં જેટલા માઠા અનુભવ થાય છે
જિંદગીમાં જેટલા માઠા અનુભવ થાય છે,
જીવવા માટે જ એ સાચા અનુભવ થાય છે.
નોંધ રાખો આવતી પેઢીને પણ ખપ લાગશે,
વાટમાં જે કંઈ ખરા ખોટા અનુભવ થાય છે !
સામી છાતીના પ્રહારોમાં નથી સરખાપણું,
પીઠ પાછળનાં બધાં સરખાં અનુભવ થાય છે.
બાલુની વિઘ્નો વિષેની ધારણા ખોટી પડી,
મિત્ર ઓછા હોય તો ઓછા અનુભવ થાય છે!
-બાલુભાઈ પટેલ
સ્વરઃ આશિત દેસાઈ
સ્વરાંકનઃ આશિત દેસાઈ