ચોમાસાને કાગળ લખ
Jul 22
ગઝલ Comments Off on ચોમાસાને કાગળ લખ
ચોમાસાને કાગળ લખ એ સમજી જાશે..
ના ફાવે તો ઝાકળ લખ, એ સમજી જાશે…
અડખે – પડખે લાંબા – ટુંકા મીંડા દોરી,
એની નીચે વાદળ લખ, એ સમજી જાશે…
એકાદ – બે સર્પાકારી લીટી દોરી,
એમાં વચ્ચે ખળખળ લખ એ સમજી જાશે…
તીર જેવું દોરી એનો છેડો તું લંબાવ,
હળવેથી હળ લખ એ સમજી જાશે…
જેવી ફાવે એવી તું બે આંખ ચિતરજે..
પાંપણ નીચે જળ લખ એ સમજી જાશે…
અગન ઓકતા આભમાં પંખી જેવી બે લીટી તાણ…
એની નીચે ચાતક લખ એ સમજી જાશે…
~ ભગવતીકુમાર શર્મા
સ્વર : શૌનક પંડયા
સ્વરાંકન : શૌનક પંડયા
સૌજન્યઃ જયેશ સુરેશલાલ શાહ સુરત