મારા ગુરુના ભડાકા બહુ ભારી રે હો ભારી
Jul 23
ગીત Comments Off on મારા ગુરુના ભડાકા બહુ ભારી રે હો ભારી
મારા ગુરુના ભડાકા બહુ ભારી રે હો ભારી
મુંને તત્માં તપાવ્યો વારીવારી
પહેલો ભડાકો મારી જીભડીમાં ચાંપ્યો
જીભડી ને જીવ કેરો સથવારો કાપ્યો
મારા આપોપામાં ઊઠી ધૂધકારી
મારા ગુરુના ભડાકા બહુ ભારી રે
બીજો રે ભડાકો મારાં ઘેન માહી કીધો
ઓહો, મારા પંડયને પાશેર કરી દીધો
ચકના તે ચૂર થઈ ખલક દોધારી
મારા ગુરુના ભડાકા બહુ ભારી રે
પછી રે ભડાકા મારા ભાયગમાં નાખ્યા
સુષ્મણા નાડીએ અમરફળ ચાખ્યાં
મુંને ભડાકે ભડાકે નાખ્યો મારી
મારા ગુરુના ભડાકા બહુ ભારી રે
~ રમેશ પારેખ
સ્વર : ઓસમાણ મીર
સ્વરાંકન : સુરેશ જોશી
આલ્બમ :કાળ સાચવે પગલાં