બદલાઈ બહુ ગયો છું હું તમને મળ્યા પછી
Aug 19
ગઝલ Comments Off on બદલાઈ બહુ ગયો છું હું તમને મળ્યા પછી
બદલાઈ બહુ ગયો છું હું તમને મળ્યા પછી
મારો મટી ગયો છું તમને મળ્યા પછી
પથ્થર હતો તેથી તો નિંદા થતી હતી
ઈશ્વર બની. ગયો છું તમને મળ્યા પછી
મારું હતું શું નામ મને કોઈ તો કહો
એ પણ ભૂલી ગયો છું તમને મળ્યા પછી
તમને મળ્યા પછી મેં મુજ શ્વાસને સૂંઘ્યા
સૌરભ બની ગયો છું તમને મળ્યા પછી
-પુરુરાજ જોષી
સ્વરઃ રવિન્ નાયક
સ્વરાંકન : રવિન્ નાયક
સૌજન્ય : ભવન્સ કલ્ચરલ સેન્ટર, અંધેરી