પ્રીતનો વરસાદ તારો આપજે
Sep 19
ગઝલ Comments Off on પ્રીતનો વરસાદ તારો આપજે
પ્રીતનો વરસાદ તારો આપજે,
કાયમી સંગાથ તારો આપજે
બારમાસી જેમ મહેકે છે સતત,
એ જ રીતે સાથ તારો આપજે.
સોયદોરા જેમ કાયમ જીવશું,
સાંધવા સહવાસ તારો આપજે.
માત્ર કાયા તો નકામી છે મારી,
જીવવા ધબકાર તારો આપજે.
રોશનીની રાહમાં બેઠો પ્રશાંત,
આંગણે અજવાસ તારો આપજે. .
-પ્રશાંત સોમાણી
સ્વર: પંકજ અગ્રાવત
સ્વરાંકન : કંદર્પ સિધ્ધપુરા.