ઘાવ ઉપર મારે છે ફાગણ ફૂંક
Sep 23
ગીત Comments Off on ઘાવ ઉપર મારે છે ફાગણ ફૂંક
ઘાવ ઉપર મારે છે ફાગણ ફૂંક ટૂંક ટૂંક
બમણી તમણી બમણી તમણી ચૂંક ચૂંક ટૂંક
ગઈકાલે સપનામાં મુંને સરપ આભડ્યો માડી
એનો આ છાતીની અંદર ફરફોલો રજવાડી
ઘા ખોતરણી જેવી કોયલ કૂક કૂક કૂક
એક જ દિ’ માં અડધું થયું નાડીમાંથી લોહી
ખડકી ખોલી ઉભી રહું પણ વૈદ ન આવે કોઈ
મન ચડઊતર કરે પીડાની ટૂક ટૂક ટૂક
– રમેશ પારેખ
સ્વર : સ્વરવૃંદ – સુરત
સ્વરાંકન : કલ્પક ગાંધી
સંગીત આયોજન: સુનિલ રેવર