જરા થોડી જગા …
Jun 21
ગીત Comments Off on જરા થોડી જગા …
Click the link below to download
Jara Thodi Jaga Tara Jigar Ma.mp3
જરા થોડી જગા તારા જીગરમાં દે,
બડો અહેસાન થઇ જાશે
નહીં તો ખાલી દિલમાં
દિલના અરમાન રહી જાશે
બડો અહેસાન થઇ જાશે
નજરના એક ખૂણામાં જરી
જો બેસણું તુ દે
ભરી દે દમ મીઠો હરદમ
મને તારા ચરણમાં લે
ભલે બોલે કે ના બોલે
જીવન કુરબાન થઇ જાશે
બડો અહેસાન થઇ જાશે..
સૂરા ને સુંદરીની અહીં
મહેફિલ જામી છે
બધુ છે અહીં સદા હાજર
છતાં એક દિલની ખામી છે
લૂંટી લે મન ભરી મહેબૂબ
જીગર મુસ્કાન થઇ જાશે
બડો અહેસાન થઇ જાશે
કવિ : અવિનાશ વ્યાસ
સ્વર: ગાર્ગી વોરા