મનહર મોદી
Jul 17
ગઝલ Comments Off on મનહર મોદી
સાવ સૂની થઈ ઊભી છે કયારની
મારી માફક કોને ઝંખે છે સડક?
સ્થાન પોતાનું કદી છોડે નહીં
ને બીજાઓને ચલાવે છે સડક.
અટકી અટકી અશ્ર્વ ચાલે ને જુએ,
કોણ આ એડી કે ખખડે છે સડક?
કેટલા કોલાહલો જાગી ઊઠે ?
શાંત ચિત્તે તોય ઊંઘે છે સડક
મારી સામે મારો પડછયો ધરી,
મારી એકલતાને દોરે છે સડક.
આપણી મંઝિલ હવે નિશ્ર્ચિત થઈ
કોઈનાં પગલાં બતાવે છે સડક.
ખૂબ ચાલ્યા બાદ દેખાતું મને
હું ઊભો છું ને આ ચાલે છે સડક