ગુજરાતી સાહિત્ય

Click the link below to download

 
ek evun ghar male.mp3

એક એવું ઘર મળે આ વિશ્વમાં
જ્યાં કશા કારણ વિના પણ જઈ શકું

એક એવું આંગણું કે જ્યાં મને
કોઈ પણ કારણ વિના શૈશવ મળે

એક બસ એકજ હો એવું નગર
જ્યાં ગમે ત્યારે અજાણ્યો થઇ શકું

” કેમ છો ? ” એવું ય ના કહેવું પડે
સાથ એવો પંથમાં ભવભવ મળે

કોઈ એવી મહેફિલ હો જ્યાં મને
કોઈ બોલાવે નહિ ને જઈ શકું

એક ટહુકામાં જ આ રુંવે રુંવે
પાનખરના આગમનનો રવ મળે

તો ય તે ના રંજ કઈ મનમાં રહે
અહીંથી ઉભો થાઉં ને મૃત્યુ મળે

– માધવ રામાનુજ

સ્વર : રાસબિહારી દેસાઈ

click the Link below to download

Aa Pad Mevad.mp3

આ પા મેવાડ, અને ઓલી પા દ્વારિકા,
વચ્ચે સૂનકાર નામ મીરાં
રણકી રણકીને કરે ખાલીપો વેગળો,
હરિના તે નામના મંજિરા
બાજે રણકાર નામ મીરાં…

મહેલ્યુંમાં વૈભવના ચમ્મર ઢોળાઇ
ઉડે રણમાં તે રેતીની આગ
મીરાંના તંબુરના સૂરે સૂરેથી વહે
ગેરૂવા તે રંગનો વૈરાગ

ભગવું તે ઓઢણું ઓઢ્યું મીરાએ
કીધા જરકશી ચૂંદડીના લીરા
સાચો શણગાર નામ મીરાં…

રણને ત્યજીને એક નિસરે રે શગ
એને દરિયે સમાવાના કોડ
રાણાએ વિષનો પ્યાલો ભેજ્યો
એણે સમરી લીધા શ્રી રણછોડ
જળહળમાં ઝળહળનો એવો સમાસ
જાણે કુંદનની વીટીંમા હીરા
જીવતો ધબકાર નામ મીરાં…

– ભગવતીકુમાર શર્મા

સ્વર : આલાપ દેસાઈ