RSSહવે નહીં જાઉં …
Jun 18
ગીત Comments Off on હવે નહીં જાઉં …
Click the link below to download
હવે નહીં જાઉં જલ ભરવા એ કારણે ;
કહાના વિના જમુનાનો તટ ઘેર્યો નાગણે !
વારે વારે જોઉં હું તો ભર્યા ભર્યા માટમાં ;
કાંઈ નથી ફેર પડ્યો તૃષ્ણાનાં ઘાટમાં !
કહાના વિના કોણ,કહો,હાથ મારે માખણે ?
હવે નહીં જાઉં જલ ભરવા એ કારણે ….
ભમરાએ કરી દીધા છેદ બધા વાંસમાં ;
વાયુ વાતા વાંસળીના સૂર ઊઠે રાતમાં !
ધાવતું વછોડી બાળ, દોડી જઉં આંગણે !
કહાના વિના જમુનાનો તટ ઘેર્યો નાગણે !
ઉધ્ધવજી ! ક્ષણેકમાં આપું નવનિધિ ;
ક્હાનો પાછો આણવાનો બતાવો જો વિધિ !,
હઠ કરે છોડી જવા, જીવ બાંધ્યો તાંતણે !
હવે નહીં જાઉં જલ ભરવા એ કારણે ;
કહાના વિના જમુનાનો તટ ઘેર્યો નાગણે !
– વીરુ પુરોહિત
સ્વર : નિધિ ધોળકિયા
સ્વરાંકન : ડો ભરત પટેલ
