ગુજરાતી સાહિત્ય

 

 
Click the link below to download

Evu Bane Ke Tame Rishasho
 

એવું બનશે કે તમે રીસાશો , ખીજાશો
બે’ક દિવસ મુખડું છુપાવશો
-પછી સામે ચાલીને તમે આવશો …

દૂર ક્યાંક નામ મારું બોલાતું સાંભળીને
ખંજનથી ઉભરાશે ગાલ
સૌની વચાળે તમે એકલા બનીને ખુદ
ખુદને પૂછશો મારા હાલ
મારા વિનાની બધી ઘટના વચાળે તમે
હળવેથી ખુદને ફસાવશો
– પછી સામે ચાલીને તમે આવશો

હોઠ,આંખ,ગાલ અને ટેરવાં તમારાથી
રાખશે ઓછો સંબંધ
ભૂલથી પણ ઓરડામાં જાશો તો
આવશે, કેવળ ત્યાં મારી સુગંધ
મને માફ કરવા તમે રાત આખી જાગીને
નિરાંતે ખુદને સમજાવશો
-પછી સામે ચાલીને તમે આવશો

– વંચિત કુકમાવાળા

સ્વર : પિયુષ દવે
સ્વરાંકન : ડો ભરત પટેલ

 

 

Click the link below to download

Hu To Nikaliti Sat Pagla Aakash

 

હું તો નીકળી ગઈ મારી તલાશમાં ,
સાત પગલાં આકાશમાં

સંજવારી જેમ હું તો પડી હતી ઉંબરે
ને પોતીકા ફળિયાને ઘેરી
વીજળીના ઝબકારે ઓળખે નહીં મને
મારા સરનામાની ડેલી

હું તો નીકળી ગઈ બહારના ઉજાસમાં
સાત પગલાં આકાશમાં

ઉંબરા ને ફળિયા તો ઓગળતા ચાલ્યાને
આકાશને નહીં કોઈ બારી
ને તેડું જો હોય તો ઉતરાવે કોઈ પણ
ઉતરાવે દીપકની બારી
મને અંધારું લાગે ઉજાસમાં

સાત પગલાં આકાશમાં ….

– અનિલ જોષી

સ્વર : હેમા દેસાઈ
સ્વરાંકન : આશિત દેસાઈ