ગુજરાતી સાહિત્ય

 

 
Click the link below to downlaod

Kaya Ni Katori.mp3
 

કાયાની કટોરી મારી, અમૃત ભરેલી રામ, અમૃત ભરેલી
કિયે રે ડુંગરથી એની માટીયું ખોદિયું ને કિયે રે પાણીએ ઇ પલાળી?

કિયે રે પગથી એના કાદવ કચરાણા ને કિયે રે ચાકડે ઇ ઉતારી?
કિયે રે હાથે એના ઘાટ ઘડાયા ને કિયે ટીપણે ઇ ટીપાણી?

કિયે રે વાયુ એની આગિયું રે ડૂંકિયું ને કિયે રે નીંભાડે ઇ ઓરાણી?
કિયે રે સમંદરથી લીધાં અમરતનાં બિંદુડાને કેયી રે ઝારી ઇં સિંચાણી?

– બાદરાયણ

 

 

Click the link below to download
Jag Ne Khatir Jage.mp3
 

જગ ને ખાતર જાગે , સાહિબ જગને ખાતર જાગે
છેક ભાંગતી રાતે, જાતે ઊંડુ તળિયું તાગે,
સાહિબ જગ ને ખાતર જાગે …

માળા ના મણકા આપે છે, હળવેથી હોંકારો,
સાખ પૂરે છે પાછો, ધખતી ધૂણી નો અંગારો,
મન માને નહીં એનું , આ કાયા ના કાચા ધાગે,
સાહિબ જગ ને ખાતર જાગે …

પરમારથ ને પંથ , પંડ નું પોત પીગળી જાતું,
કોઇ આંખ માં આથમતું આંસુ એને વંચાતુ,
વાયુ થઇ ને શ્વાસે શ્વાસેરોજ વિહરતા લાગે
સાહિબ જગને ખાતર જાગે …

છેક ભાંગતી રાતે, જાતે ઊંડુ તળિયું તાગે,
સાહિબ જગ ને ખાતર જાગે …

– નીતિન વડગામા

સ્વર : ઓસમાણ મીર