સૂરજ ઢૂંઢે ને ઢૂંઢે
Jul 30
ગીત Comments Off on સૂરજ ઢૂંઢે ને ઢૂંઢે
રાસબિહારી દેસાઈ
Click the link below to download
સૂરજ ઢૂંઢે ને ઢૂંઢે ચાંદાની આંખડી ,
નવલખ તારાનાં ટોળાં ટળવળે રે જી
પૃથ્વીપગથારે ઢૂંઢે ભમતા અવધૂત કોઈ
વિશ્વંભર ભરવા નયણે રે હો જી
મહેરામણ ભૈરવનાદે અલખ પુકારે
મૂંગા ગિરિઓનાં મસ્તક ઊંચે ઝંખતાં રે જી
તલખે પંખી ને પ્રાણી ,સરવર નદીઓનાં પાણી
રાતે ડુંગરિયા દવ નો જંપતા રે હો જી
તરણાની છાયા હેઠે કાયા ઢંકાય તારી,
આભનાં આભૂષણ તોયે ઓછાં પડે રે જી
બ્રહ્માંડ ભરીને પોઢ્યા,કીકીમાં માશો શેણે ?
જોવા તોયે લોચનિયાં ઘેલાં રડે રે હો જી
ગગન ઘેરીને આજે દર્શન વરસો રે વ્હાલા !
ઉરે ઝૂરે રે મારો પ્રાણબપૈયો રે હો જી
– ઉમાશંકર જોશી
સ્વર : રાસબિહારી દેસાઈ
રાસબિહારી દેસાઈની અન્ય રચના માણવા નીચેની Link Click કરો