ગુજરાતી સાહિત્ય

હિતેન આનંદપરા

aayno palvar jo same dhryo to shu thayu.mp3

આયનો પળવાર  જો  સામે  ધર્યો  તો  શું  થયું ?
એક ચહેરો આપણી પાછળ પડ્યો તો  શું થયું ?

એકદમ   તાજા    ખીલેલા   ફૂલને   સ્પર્શે   પવન
એ અદાથી જો તને  થોડું  અડ્યો  તો  શું  થયું ?

થઇ  ગઈ દીવાલ  ઉભી  જે  જગાએ,ક ઈ   ન’તું
એક રસ્તો  મસ્તીમાં  પડખું  ફર્યો   તો  શું  થયું ?

એ  હંમેશા  મારી  બાબતમાં  દખલબાજી  કરે
એક દિવસ હું સહજ એને  નડ્યો  તો  શું  થયું ?

કો રહસ્ય ફિલ્મ   જેવું   આમ   ગભરાવો   નહીં
રાતનો સૂનકાર થોડો સળવળ્યો   તો  શું   થયું ?

આપણે કંઈ   રોશનીના  કાયમી  માલિક   નથી
અન્યનો તારો  જરા  ઝળહળ્યો  તો  તો શું થયું ?

– હિતેન આનંદપરા

સ્વર : આલાપ દેસાઈ

મુકેશ જોષી

Click the link below to download :

tev chhe ene pratham e mapshe ne tolshe.mp3

ટેવ  છે  એને   પ્રથમ   એ   માપશે   ને  તોલશે,
ખુશ   થશે  તો  પ્રેમનું   આકાશ  આખું   થોળશે

સહેજ  બારી  ખૂલતાં  સામે  શરદ  પૂનમ  થતી,
કઈ  તિથિ  થાશે  અગર  એ  બારણું જો  ખોલશે

સ્પર્શની બાબત નીકળશે, તું શરત ના મારતો ,
એ  તો  પરપોટાની  કાઢી  છાલ  પાછો છોલશે .

નામ  ઈશ્વરનું   ખરેખર   યાદ  ક્યાં  છે  કોઈને,
પૂછશો   તો  મંદિરોના  નામ   કડકડ   બોલશે .

ઓ   મદારી !   દૂધ  શાને  પાય  છે  તું નાગને,
તું   મલાઈ  આપશે  તો   માણસો  પણ  ડોલશે

– મુકેશ જોષી

સ્વર : આલાપ દેસાઈ

 

રમણલાલ વ દ્દેસાઈ
 

કવિશ્રી રમણલાલ વ દેસાઈ વિષે વધુ વાંચવા click કરો : રમણલાલ વ દેસાઈ
 

ભટકતા જંગલે જંગલ પુકારી ઈશ્કની બાંગો;
ઘૂમે સૂનકાર ત્યાં સઘળે ! હમારી ઝોળી ખાલી છે !

મઢી ને ઝૂંપડી ઢૂંઢી ,કમાડો કૈંક ખખડાવ્યાં ,
ન સૂતાં કોઈ યે જાગે, હમારી ઝોળી ખાલી છે !

ગયા મસ્જિદ ને મંદિરે, બધા ત્યાં પાક મરજાદી ;
ન અડકે આ અસ્પૃશ્યો ને, હમારી ઝોળી ખાલી છે !

સદાવત સ્નેહનાં ક્યાં છે ? પરબ ક્યાં પ્રેમની બેસે ?
બતાવો જાણતા હો તો ! હમારી ઝોળી ખાલી છે !

અમી આંજી નજર ક્યાં છે ? જીગરનાં આંસુડાં ક્યાં છે ?
થશે બસ એક બિંદુથી ! હમારી ઝોળી ખાલી છે !

– રમણલાલ વ દ્દેસાઈ

સ્વર : પુરૂષોત્તમ ઉપાધ્યાય

સ્વરાંકન : આશિત દેસાઈ

રઈશ મનીઆર
 
રઈશ મનીઆર વિષે વધુ વાંચવા click કરો : રઈશ મનીઆર
 

Kinarao Alag Rahi Ne.mp3

કિનારાઓ   અલગ  રહીને  ઝરણને   જીવતું  રાખે ;
અલગતા  આપણી  એમ  જ  સ્મરણને જીવતું રાખે.

તળાવો    મૃગજળોના  જેમ  રણને    જીવતું  રાખે,
બસ  એ  જ  સ્વપ્ન  તારું એક જણને  જીવતું રાખે.

સમયના  સૂર્યનું  ચાલે તો  સળાગાવી  મૂકે સઘળું,
વ્યથાનાં   વાદળો   વાતાવરણને    જીવતું   રાખે.

કહો , એવી   હયાતીને   કોઈ   તકલીફ  શું  આપે ,
જે   અંદરથી  મરી  જઈ   આવરણને  જીવતું રાખે.

અનાયાસે તો જીવનમાં બધું ભૂલી જ જઈ એ પણ-
પ્રયાસો  વિસ્મરણના  ખુદ  સ્મરણા ને જીવતું રાખે.

‘રઈશ’  આ  દોસ્તો   તારા  અધૂરા  છે  શિકારીઓ,
ખૂપાવી  તીર  જે   અડધું ,  હરણને   જીવતું  રાખે.

-રઈશ મનીઆર

સ્વર : ધ્વનિત જોષી

સ્વરાંકન : ધ્વનિત જોષી

કલ્પક ગાંધી
 

કલ્પક ગાંધી વિષે વધુ વાંચવા માટે click કરો : કલ્પક ગાંધી

Divas Rat Bamno Uge.mp3

દિવસરાત  બમણો  ઊગે નિત નિસાસો
બીડ્યાં દ્વાર ખોલે  એ ક્યાં છે ખુલાસો ?

છબી   જેમ   ભીંતેથી   સરકીને  ફૂટ્યો
સદીઓથી    ટાંગેલ  ઘરનો    દિલાસો

“મને  વ્યક્ત  કર  કાં  તને  તોડું   ફોડું”
મને  કોઈ  મનમાંથી  આપે  છે  જાસો

નથી  જીતનો  સૂર્ય  ઊગવાની  આશા
અહીંનો  સમય  છે  શકુનિ  નો  પાસો

અવાજોના  જંગલ  ને  એકલતા  કાળી
અહીં  કઈ  રીતે   થઇ   શકે  રાતવાસો

મનોજ  નામની  એક  નદીના   કિનારે
તજે  કોઈ  પીપળા  નીચે  બેસી શ્વાસો

– મનોજ ખંડેરિયા

સ્વર : કલ્પક ગાંધી

સ્વરાંકન : કલ્પક ગાંધી