જળના ભરોસે હોડીબાઈ નીસર્યાં

No Comments

 

 

જળના ભરોસે હોડીબાઈ નીસર્યાં

જળના ભરોસે હોડીબાઈ નીસર્યાં
છાંયડા ક્યાંક રે ડ્હોળા ને ક્યાંક નીતર્યા

ક્યાંક ઠેસ રે વાગે છે પોચા આભની
ક્યાંક વાગે પોચો પોચાયેલ પ્હાડ
ક્યાંક વાગે રે રેતીનાં તળ છીછરાં

એનો તાતો રે તાણેલ શઢ તો પાંદડું!
એમાં જળના ભરોસા હિલ્લોળાય
એ તો વાયરા તોખારી પીને ફરફર્યા

હોડીબાઈ જળમાં બંધાણા કાચા તાંતણે
જળની જળવત્તા જાળવતા જાય!
હોડીબાઈ જળમાં જીવ્યાં ને જળમાં સંચર્યાં

એને જળનો થાકોડો, જળનો આશરો
એને જળના ઘરેણાં, જળની ટેવ
હોડીબાઈ જળનાં જડબાને સાવ વિસર્યાં!

કાવ્યઃ રમેશ પારેખ
સ્વરઃ હરિશ્ચંદ્ર જોશી અને ગાર્ગી વોરા
સ્વરાંકનઃ હરિશ્ચંદ્ર જોશી
સંગીત નિયોજનઃ સુરેશ જોશી

અલી તું તો ઢળકતી ઢેલ!

No Comments

 


 

અલી તું તો ઢળકતી ઢેલ!

અલી તું તો ઢળકતી ઢેલ!
કે તારો વાલમો વનનો મોરલો

તારે નેણલે સોહાગનો નેહ
એવે નેણલે નીરખ્યો મોરલો
કે તારો વાલમો વનનો મોરલો

અલી તું તો ઢળકતી ઢેલ!
કે તારો વાલમો વનનો મોરલો

દૂરની વનરાઈમાં મોરલાને માંડવે
ગ્યાતાં ઢોલણરાણી નાચંતા નેણલે

કે પીધી મીઠાં આંસુડાની હેલ!
કે તારો વાલમો વનનો મોરલો
અલી તું તો ઢળકતી ઢેલ!

શરમાળી આંખોમાં શમણાં સંતાડતી
તારા કોડીલા હૈયાની કહેતી જા વાતડી

કે જોને પાંગરતી મઘમઘતી વેલ!
કે તારો વાલમો વનનો મોરલો

અલી તું તો ઢળકતી ઢેલ!
કે તારો વાલમો વનનો મોરલો

સ્વરઃ ગીતા રોય
ગીતઃ પ્રહ્‌લાદ પારેખ
સંગીતઃ અજિત મરચંટ
ચિત્રપટઃ લગ્નમંડપ (૧૯૫૦)