હુ તૂ તૂ તૂ તૂ તૂ તૂ તૂ

Comments Off on હુ તૂ તૂ તૂ તૂ તૂ તૂ તૂ

 

 

હુ તૂ તૂ તૂ તૂ તૂ તૂ તૂ
જામી રમતની ઋતુ

આપો આપ એક મેકના થઈને ભેરુ સારું
જગત રમતું આવ્યું ને રમે છે હુ તૂ તૂ તૂ તૂ

તેજ ને તિમિર રમે… હુ તૂ તૂ તૂ હુ તૂ તૂ તૂ
પાણી ને સમીર રમે… હુ તૂ તૂ તૂ હુ તૂ તૂ તૂ
વાદળની ઓથે બેઠા સંતાયેલા પ્રભુજીને
પામવાને સંત ને ફકીર રમે
હુ તૂ તૂ તૂ તૂ તૂ તૂ તૂ…

એક મેકને મથે પકડવા સારા નરસા સ્વારથ સાથે
ધમ્માચકડી પકડા પકડી અવળે સવળે આટે પાટે
ખમીરથી ખમીરનો ખેલ રે મંડાયો ભાઈ
હોય જગ જાગતું કે હોય જગ સૂતું
હુ તૂ તૂ તૂ તૂ તૂ તૂ તૂ…

મનડાની પાછળ મન દોડે તનડું તનને ઢુંઢે
ધનની પાછળ ધન દોડતું પ્રપંચ ખેલી ઊંડે
જાત જાત ભાત ભાતના વિચાર દાવ પેચ
કયારે મળે લાગ અને ક્યારે લૂંટું?
હુ તૂ તૂ તૂ તૂ તૂ તૂ તૂ…

ભેરુ તો દેખાવ કરીને ખેલ ખેલતા ઊંચે શ્વાસે
પરને કેમ પરાજિત કરવો
અંતર પ્રગટી એક જ આશે
વિધ વિધ નામ ધરી સંસારની કેડી માથે
ખાકના ખિલોના રમે સાચું અને જૂઠું
હુ તૂ તૂ તૂ તૂ તૂ તૂ તૂ…

ગીતઃ અવિનાશ વ્યાસ
સંગીતઃ ગૌરાંગ વ્યાસ
સ્વર મન્ના ડે

તમે પાંપણને પલકારે

Comments Off on તમે પાંપણને પલકારે

કે તમે પાંપણને પલકારે વાત કહી કંઈ,
મર્મ એનો ઉકેલવામાં રાત વહી ગઈ.

આમ મેળો ને મેળાની કેવી મરજાદ,
હોઠ ખુલે ના તોયે રહે સંભળાતો સાદ,

કોઈ લહેરખી મજાની જાણે સાથ રહી ગઈ,
મર્મ એનો ઉકેલવામાં રાત વહી ગઈ.

આભાથીયે ઝાઝેરો આભનો ઉઘાડ,
એમાં થોડો મલકાટ થોડું છાનું છાનું લાડ,

તોયે ભીને રૂમાલ એક ભાત લઇ ગઈ,
મર્મ એનો ઉકેલવામાં રાત વહી ગઈ.

– હરીન્દ્ર દવે

સ્વર અને સ્વારાંકન : આશિત દેસાઈ

ઝૂંટવી એના કરથી સૂરા પી ગયો

Comments Off on ઝૂંટવી એના કરથી સૂરા પી ગયો

 

 

ઝૂંટવી એના કરથી સૂરા પી ગયો
ખૂબ પીવાની આવી મજા પી ગયો

ઝૂમતાં ઝૂમતાં એણે આપી સૂરા
ઝૂમતાં ઝૂમતાં ઝૂમતાં પી ગયો
ઝૂંટવી એના કરથી સૂરા પી ગયો

એમાં તારું શું બગડી ગયું ઓ ખુદા ?
મારા ઘર છે જો થોડી સૂરા પી ગયો
ઝૂંટવી એના કરથી સૂરા પી ગયો

એક પણ પાંદડું હાલતુંય નથી
કોઈ લાગે છે તરસ્યો, હવા પી ગયો

એટલે ઝગમગે છે આ જીવન ” જલન ”
જો મળી હોઈ એ હું વ્યથા પી ગયો

– જલન માતરી

સ્વર : આશિત દેસાઈ

ભારતની ઓ ધર્મધજા!

Comments Off on ભારતની ઓ ધર્મધજા!

 

 

ત્રીસ કોટિ શીર્ષ પ્રણમે તને,
ત્રીસ કોટિ શીર્ષ પ્રણમે તને, ભારતની ઓ ધર્મધજા!
ત્રીસ કોટિ શીર્ષ પ્રણમે તને, ભારતની ઓ ધર્મધજા!

નવલખ તારા આશિષ ઝમે, ભારતની ઓ ધર્મધજા!
ત્રીસ કોટિ શીર્ષ પ્રણમે તને, ભારતની ઓ ધર્મધજા!
નવલખ તારા આશિષ ઝમે, ભારતની ઓ ધર્મધજા!

ભારતની ઓ ધર્મધજા! ભારતની ઓ ધર્મધજા!
વ્યોમ તણી ફરકંત પતાકા
વ્યોમ તણી ફરકંત પતાકા હિમડુંગરનો જંગ
વ્યોમ તણી ફરકંત પતાકા હિમડુંગરનો જંગ

સંસ્કૃતિનો જગચોક મહી ધ્વજ ફરકંતો પડછંદ
સંસ્કૃતિનો જગચોક મહી ધ્વજ ફરકંતો પડછંદ
ધ્વજ ફરકંતો પડછંદ

જે ઝંડાને ગાંધીજીએ સ્ફટિક હૃદયથી ધવલ કીધો
જે ઝંડાને ગાંધીજીએ સ્ફટિક હૃદયથી ધવલ કીધો

જે ઝંડાને ભગત – જતીને….
જે ઝંડાને ભગત – જતીને રુધિર રંગ રંગી દીધો
રુધિર રંગ રંગી દીધો રુધિર રંગ રંગી દીધો

વીરા શાંતિ તણાને જાય
વીરા શાંતિ તણાને જાય ભારતની ઓ ધર્મધજા!
વીરા શાંતિ તણાને જાય ભારતની ઓ ધર્મધજા!
ભારતની ઓ ધર્મધજા!

ત્રીસ કોટિ શીર્ષ પ્રણમે તને, ભારતની ઓ ધર્મધજા!
નવલખ તારા આશિષ ઝમે, ભારતની ઓ ધર્મધજા!

ભારતની ઓ ધર્મધજા! ભારતની ઓ ધર્મધજા!
ભારતની ઓ ધર્મધજા! ભારતની ઓ ધર્મધજા!
ભારતની ઓ ધર્મધજા! ભારતની ઓ ધર્મધજા!

સ્વરાંકન અને સ્વરઃ શ્રદ્ધા શ્રીધરાણી

ગીતઃ કૃષ્ણલાલ શ્રીધરાણી

જા આપિયું અમદાવાદ

Comments Off on જા આપિયું અમદાવાદ

 

 

ખણખણ ખણખણ થયા કાંકરાં અલ્યા આપણી દોણીના
જા આપિયું અમદાવાદ
જા આપિયું અમદાવાદ
આખું આજ મેં બોણીમાં

તોડી નાખ ફોડી નાખ તોડી નાખ ફોડી નાખ

ખણખણ ખણખણ થયા કાંકરાં અલ્યા આપણી દોણીના

કોડ રીયાતાં અમને મનમાં કેવાં કેવાં કેવાં
સપના અમને ન’તા આવતા જેવાં જેવાં જેવાં
કોડ રીયાતાં અમને મનમાં કેવાં કેવાં કેવાં
સપના અમને ન’તા આવતા જેવાં જેવાં જેવાં

અંગત એ અરમાન અમારા નથી કોઈને કહેવા જેવા
તોય આજ તો નહિ ચૂપ રહેવાના કંકર દોણીના
ભાવનગર આખુંયે આપિયું આજ તને મેં બોણીમાં

ખણખણ ખણખણ થયા કાંકરાં અલ્યા આપણી દોણીના

અમદાવાદ, મહેમદાવાદ, રાજકોટ, આટકોટ
ભાવનગર, જુનાગઢ, મોરબી, વાંકાનેર
ધોળકા, ધંધૂકા, દાહોદ, ગોધરા, નડિયાદ, વલસાડ
દહેગામ, વિરમગામ, સાણંદ, આણંદ, ડાકોર, દ્વારકા

એક બે ત્રણ ચાર પાંચ છ સાત આ….

અરેરેરે નહિ નહિ માફ કરો બસ અરેરેરેરે ના…
માફ કરો બસ માફ કરો માફ કરો બસ માફ
અમે પતિ પત્ની બે બસ તો પછી અમારે બાળકો બે બસ
બસ બસ બસ બસ શ્રદ્ધા રાખો તમે બધા આ વાણીમાં
જા આપિયું બંદર સુરતનું આજ તને મેં બોણીમાં
ખણખણ ખણખણ થયા કાંકરાં અલ્યા આપણી દોણીના

ફૂલ ફટાક…
ફૂલ ફટાક થઈને જાશું હું ને તું મેહોણા
કદી કદી ફિલમ જોશું ને
કદી કદી ફિલમ જોશું ને ખાશું આખાં ભોણાં

ભેલ પુરી ને… પુરી ને ભેલ પુરી ને… પુરી ને
ભેલ પુરી ને રગડા ખાશું બેઉ પછી તો તગડા થાશું
ભાદરવા મહિનામાં નાશું સાબરના પોણીમાં
ભાદરવા મહિનામાં નાશું સાબરના પોણીમાં

હે જી રે…………
જા આપી આ ઘેલુડી ગુજરાત તને મેં બોણીમાં
જા આપી આ ઘેલુડી ગુજરાત તને મેં બોણીમાં

ખણખણ ખણખણ થયા કાંકરાં અલ્યા આપણી દોણીના
જા આપિયું અમદાવાદ
જા આપિયું અમદાવાદ
આખું આજ મેં બોણીમાં

તોડી નાખ ફોડી નાખ ફોડી નાખ તોડી નાખ
તોડી નાખ ફોડી નાખ તોડી નાખ ફોડી નાખ

સ્વરઃ અંબરકુમાર, રોબિન બેનરજી અને કલ્યાણી મિત્રા

ગીતઃ માધવ રામાનુજ

સંગીતઃ જગદીશ જે.

Older Entries

@Amit Trivedi