સહજ સાંભરે એક બાળા ગુણીજન

No Comments

 

 

સહજ   સાંભરે   એક   બાળા ગુણીજન
ગઝલ   ગીતની   પાઠશાળા   ગુણીજન

પ્રણયની  પઢી  પાંચ    માળા  ગુણીજન
ખુલ્યાં બંધ  દ્વારોનાં   તાળા   ગુણીજન

નહીં  છત  મળે  તો   ગમે    ત્યાં  રહીશું
ભરો કિન્તુ અહીંથી  ઉચાળા   ગુણીજન

કદી   પદ – પ્રભાતી   કદી   હાંક ,ડણકાં
ગજવતા   રહે     ગીરગાળા    ગુણીજન

પડયો   બોલ  ઝીલે,  ઢળે  થાળ  માફક
નીરખમાં ય નમણા ,  નિરાળા ગુણીજન

ધવલ    રાત્રી   જાણે    ધુમાડો   ધુમાડો
અને   અંગ  દિવસોનાં  કાળા ગુણીજન

આ મત્લા થી મક્તા સુધી  પહોંચતા તો
રચાઈ    જતી     રાગમાળા    ગુણીજન

– સંજુ વાળા

સ્વર : ઓસમાણ મીર

હૃદય વિરાજે તુલસીમાલા

No Comments

 


સંજુ વાળા
 

કવિશ્રી સંજુ વાળા વિષે વધુ વાંચવા click કરો : સંજુ વાળા

 


 

હૃદય વિરાજે તુલસીમાલા
હાથ ગ્રહી રુમઝુમ કરતાલા
હરિ વ્હાલા રે …હરિજન વ્હાલા રે

ચૌદ ભુવન મંડળ ઘૂમરાતા સ્થિર મૂરત ચિરકાલા
મહારાસ માંડયો વ્રેમાડે ,પ્રગટી હસ્ત – મશાલા
તાલ,ઠેક,.તાલી,આવર્તન ,
ગાવત મેઘ વાજત જપતાલા
હરિ વ્હાલા રે ….. હરિજન વ્હાલા

આદ્ર ભાવ, રસભીનું ભીતર,મુખ શ્રીનામ, સબૂરી
પદ ,અર્ચન ,તૂરિયા,ખટદર્શન મધ્યે નહી કોઈ દૂરી
તું વહેતી કિરતન ધનધારા
તું જ પ્રેમપદારથ હાલા
હરિ વ્હાલા રે ….. હરિજન વ્હાલા

હૃદય વિરાજે તુલસીમાલા
હાથ ગ્રહી રુમઝુમ કરતાલા
હરિ વ્હાલા રે …હરિજન વ્હાલા રે

– સંજુ વાળા

સ્વર : પ્રીતિ ગજ્જર

સ્વરાંકન : ડો ભરત પટેલ

ફકત દિલની સફાઈ માંગે છે

No Comments

 

 

ફકત  દિલની  સફાઈ માંગે  છે
પ્રેમ  ક્યાં  પંડીતાઈ   માંગે  છે.

આંખને  ઓળખાણ  છે કાફી
લાગણી ક્યાં ખરાઈ  માંગે  છે.

જોઈએ સુખ બધાંને પોતીકાં
કોણ  પીડા  પરાઈ  માંગે   છે.

એક  ઝાંખી  જ  એમની ઝંખે
દિલ  બીજું  ન  કાંઈ  માંગે  છે.

– કિરીટ ગોસ્વામી

સ્વર : ઓસમાણ મીર