ક્યાંક નાચતી કોયલ
Dec 06
ગીત Comments Off on ક્યાંક નાચતી કોયલ
આસ્વાદ : ડો સુનીલ જાદવ
ક્યાંક નાચતી કોયલ સાજણ ક્યાંક બોલતા મોર
વાટ નીરખતી વાટે પાક્યાં લીલા પીળા બોર
અંધારામાં મબલક વાવી
વણકીધેલી વાતુ
એકલતાને ભાંગી રહ્યો
જેમ ટીપે કો ધાતુ
અજવાળુ ઘુરકે છે જાણે બેઠો આદમખોર
ક્યાંક નાચતી કોયલ સાજણ ક્યાંક બોલતા મોર
ચકલુ ફરકે એય હવે તો
સહી શકે ના કાન
મનની મૃત ધરા પર ખરતા
કુણેકુણા પાન
વાટ નીરખતી આંખે વાવ્યા લીલે લીલા થોર
ક્યાંક નાચતી કોયલ સાજણ ક્યાંક બોલતા મોર
– ડો.નરેશ સોલંકી
સ્વર : ગાર્ગી વોરા
સ્વરાંકન : ડો ભરત પટેલ