Archive for February 7th, 2019

તરછોડચો જ્યારે આપે

Thursday, February 7th, 2019

 

 

તરછોડ્યો જયારે આપે, હસવાનું મન થયું
બોલાવ્યો જયારે આપે,  રડવાનું  મન થયું

ખોળામાં જયારે આપના, માથું  મૂકી દીધું
સોગંદ તમારા ત્યાંને ત્યાં મરવાનું મન થયું

દિલને   મળ્યું   જે   દર્દ  તે ઓછું પડ્યું હશે
નહિતર ફરી કાં આપને મળવાનું મન થયું

ડૂબ્યો નથી   અમરને, ડૂબાડ્યો છે કોઈએ
નહિતર કાં એની લાશને તરવાનું મન થયું

– અમર પાલનપુરી

સ્વર : આલાપ દેસાઈ