તને ગીત દઉં કે ગુલાબ ?
Jul 08
ગીત Comments Off on તને ગીત દઉં કે ગુલાબ ?
Click the link below to download
તને ગીત દઉં કે ગુલાબ ?
દઈ દે ! આજે મને તું જવાબ
કંઠમાં ફસાયેલી લાગણીને સંભાળી ટહુકો બનાવીને આપું
ઊડુ ઊડું થાય છે જે આંખોમાં તેની પાંખો બનાવીને આપું
ઘૂટવું હો નામ તારે, કોરા એક પાનાં પર
આપી દઉં દિલની કિતાબ
દઈ દે ! આજે મને તું જવાબ
સદીઓ લાગી છે મને , હોઠ ઉપર લાવવામાં એવો પૂછું છું સવાલ,
મારા ખયાલ બાબત તારો ખયાલ શું છે , કહેવામાં થાય નહીં કાલ ,
આજે ને આજે મને ન્યાલ કર મીઠું હસી
કહે છે તું તો છે હાજરજવાબ
દઈ દે ! આજે મને તું જવાબ
– ડો રઈશ મનીઆર
સ્વરાંકન : શ્યામલ – સૌમિલ મુનશી
સ્વર : સૌમિલ મુનશી