ચોર્યાંસી ભાતનો સાથિયો
Jul 27
ગીત Comments Off on ચોર્યાંસી ભાતનો સાથિયો
કૌમુદી મુનશી
Click the link below to download
ચોર્યાંસી ભાતનો સાથિયો રે માંડ્યો
કે લાલ રંગ ખૂટ્યો સાહેલડી જી રે
અડધી ભાતે રે મારો સાહ્યબો રિસાયો
કે હાય સંગ છૂટ્યો સાહેલડી જી રે
મેઘધનુ રંગની ભાત વચ્ચોવચ્ચ
કોઈ અજબ રંગ સાંપડ્યો જી રે
જાતાં પડ્યોતો પગ વાલમના આંગણિયે
લોક કહે સાથિયો બગડ્યો જી રે
પથ પથરાઈ મારો જીવડો પુકાર્યો
કે પિયુ કેમ રૂઠ્યો સાહેલડી જી રે
ચોર્યાંસી ભાતનો…..
કોઈ જાણભેદુને પાછળ દોડાવ્યો
કે આવ્યો સંદેશ લઈ સોગિયો જી રે
પરદેશ જઈ વ્હાલે રંગ મોકલાવ્યો
તે લાલ નહિ નીકળ્યો જોગિયો જી રે
અંગે અંગે તે મારે રોમ રોમ લાગ્યો
કે આગ થઈ ફૂટીયો સાહેલડી જી રે
ચોર્યાંસી ભાતનો…..
સ્વર : કૌમુદી મુનશી
સ્વરાંકન : નીનુ મઝુમદાર
કૌમુદીબેનના બીજી રચનાઓ માણવા નીચેની Link Click કરો