હજુ રસભર રાત …
Jul 25
ગીત Comments Off on હજુ રસભર રાત …
હજુ રસભર રાત તો બાકી રહી ગઈ,
ના જા, ના જા, સાજના…..
હજુ ચંદ્ર નથી બુઝાઈ ગયો
છે તારાઓની છાંય,
હજુ રજનીના શ્યામલ પગલાં
થોડું દૂર રહ્યું છે પ્રભાત…
જરી જંપ્યુ ગગન વિરાટ,
ના જા, ના જા, સાજના…..
હજુ ચંદનભીની કુંજન છે
હજુ સૂર ગુંજે સૂનકાર…
હજુ ઢળ્યું નથી કંકુ સૂરજનું
તિમિર ને પગથાર.
હજુ ઝાંખી બળે દીપમાળ,
ના જા, ના જા, સાજના…..
– અવિનાશ વ્યાસ
સ્વર : હર્ષિદા રાવલ