સૌજન્ય : ડો પરેશ સોલંકી

 


 

હોઠ મલકે તો મોટી મહેરબાની
સાજન,થોડો મીઠો લાગે ;
તારી સંગાથે પ્રેમનો અજાણ્યો
મૂલક ક્યાંક દીઠો લાગે

સંગાથે હોય ત્યારે અટવાતાં ચાલીએ
કે એકલાનો રાહ એકધારો,
મઝધારે મ્હાલવાનો મોકો મળ્યો, તો
ભલે આઘો ઠેલાય આ કિનારો !
મધમીઠો નેહ તારો માણું
સંસાર આ અજીઠો લાગે

રાત આખી સૂતો ક્યાં સૂરજ, સવારે
એની આંખમાં ઉજાગરાની લાલી ,
લથડીને ચાલતી આ ચંચળ હવાનો હાથ
ઊઘડેલા ફૂલે લીધો ઝાલી ;
તારી આંખના ઉજાગરાનો
છલકતો રંગ જો મજીઠો લાગે !

– હરીન્દ્ર દવે