હું હવે તો હું બનું - દર્શન ત્રીવેદી
વા બનું, વાદળ બનું, વર્ષા બનું કે શું બનું?
આયખાની એક ઈચ્છા હું હવે તો હું બનું.
હોય મારા ભાગ્યમાં તો હોય એ તારી તરસ.
રણ બનું, રેતી બનું, મૃગજળ બનું કે લૂ બનું.
યાદના તંતુ વણીને તું ઝગાવે જો મને,
ઘી બનું, દીવી બનું, ‘ને તરબતર હું રૂ બનું.
આરસીની આંખમાં મારી હયાતી શોધવા.
ધ્યાનથી જો જોઉ તો હું ‘હું’ મટીને તું બનું.
એ અલગ વાત છે હું શૈતાન કે સાધુ બનું.
આજ અંદર *બહારથી બસ એક સરખો હું બનું.
દર્શન ત્રીવેદી
* જોડાક્ષર
Tags: ગઝલ
September 10th, 2010 at 11:26 pm
ખુબ સુંદર રચના.
એ અલગ વાત છે હું શૈતાન કે સાધુ બનું.
ઉપરોક્ત િમસરામાં ” એ અલગ વાત છે “ના બદલે ” એ અલગ છે
વાત ” કરવાથી રમલ છંદ બંધારણ જળવાતું જોવા મળે છે.
અિભજીત પંડ્યા ( ભાવનગર ) .