ગ્રંથ ખોલતા ગ્રંથી મનની,

No Comments

 


 
અમદાવાદ નેશનસ બૂકફેર માટે ખાસ ગીત લખ્યું આ ગીતને શ્યામલ-સૌમિલે સ્વરબધ્ધ કર્યું ને આરતી મુનશી સંગાથે ગાયું .
માન. મુખ્યમંત્રીશ્રી વિજય રુપાણીનેવરદ હસ્તે વહેતું મૂક્યુ.

ગ્રંથ ખોલતા ગ્રંથી મનની,
દૂર કરે સૌ બંધન,
હે પુસ્તક, તને વંદન.

વિદ્યાદાયિની મા સરસ્વતી કેરો તું પ્રસાદ,
વાદ વિવાદને અંતે રચતું,
તું જ અજબ સંવાદ.
સમાન સૌ તારી નજરોમાં
ધનિક હોય કે નિર્ધન.
હે પુસ્તક, તને વંદન.

પુસ્તક જઇ મસ્તકમાં વસતું,
રૂપ ધરે બુધ્ધિનું,
પુસ્તક હૈયે હસતું રૂપ છે
લાગણીની વૃધ્ધિનું.
લાગણી ને બુધ્ધિ બંનેનું
તું કરતું અનુમોદન.
હે પુસ્તક, તને વંદન.

પુસ્તક એવું પુષ્પ છે
જે ના કદીય કરમાતું.
પીળાં થાતાં પર્ણ છતાં યે
સદાય એ પમરાતું.
ઉત્તમ પુસ્તક વાંચતા
આખું મ્હેકી ઊઠે જીવન.
હે પુસ્તક, તને વંદન.

શબ્દરચના: તુષાર શુક્લ
સ્વરરચના: શ્યામલ-સૌમિલ
ગાયક કલાકારો: આરતી-શ્યામલ-સૌમિલ અને વૃંદ.

અંતરનાં પાને હળવેથી

No Comments

 


 

અંતરનાં પાને હળવેથી અંકાયા સ્વર અક્ષર;
સૂર-શબ્દના થાય હૃદય પર સહિયારા હસ્તાક્ષર;
એવા આ હસ્તાક્ષર.

વતન તણી માટીની ફોરમ ભીંજવી દેતી ભીતર;
ફૂલ-ફૂલની ઓળખ લઇને ખુશ્બુ વહેતી ઘર ઘર;

સમય ભલેને સરી જાય પણ અમર રહે સ્વર અક્ષર;
સૂર-શબ્દના થાય હૃદય પર સહિયારા હસ્તાક્ષર;
એવા આ હસ્તાક્ષર.

એક જ નાની ફૂંક વહે ને એક બંસરી વાગે;
એક જ પીંછીં રંગ ભરે ને દ્રશ્ય સજીવન લાગે;

કંઠ એક જો બને પૂજારી ગીત બને પરમેશ્વર;
સૂર-શબ્દના થાય હૃદય પર સહિયારા હસ્તાક્ષર;
એવા આ હસ્તાક્ષર.

– તુષાર શુકલ

સ્વર : જગજીતસીંઘ

સંગીત : શ્યામલ-સૌમિલ મુન્શી

હજુ રસભર રાત …

No Comments

 


 

હજુ રસભર રાત તો બાકી રહી ગઈ,

ના જા, ના જા, સાજના…..

હજુ ચંદ્ર નથી બુઝાઈ ગયો
છે તારાઓની છાંય,
હજુ રજનીના શ્યામલ પગલાં
થોડું દૂર રહ્યું છે પ્રભાત…
જરી જંપ્યુ ગગન વિરાટ,
ના જા, ના જા, સાજના…..

હજુ ચંદનભીની કુંજન છે
હજુ સૂર ગુંજે સૂનકાર…
હજુ ઢળ્યું નથી કંકુ સૂરજનું
તિમિર ને પગથાર.
હજુ ઝાંખી બળે દીપમાળ,
ના જા, ના જા, સાજના…..

– અવિનાશ વ્યાસ

સ્વર : હર્ષિદા રાવલ

ધરા જરી ધીમી થા!

No Comments

 

ધરા જરી ધીમી થા! આટલી અધીર કાં?
તારો સાજન શ્રાવણ આવે રે! ઓ આવે, ઓ આવે ઓ આવે રે!

ડુંગરાની કોરે, મોરલાના શોરે, વાદળના ગિરિમાં
તારો તારો સાજન શ્રાવણ આવે રે! ઓ આવે, ઓ આવે ઓ આવે રે!

ઝનન ઝનન ઝન ઝનનનનન વર્ષાની ઝાંઝરી વાગે રે ઝનન
સનન સનન સન સનન ગોરીનું ગવન છેડીને નાચે રે પવન

હો ઘનઘોર ઘટા લીલી લીલી લતા પર ખીલી રે છટા
દૂર દૂર દાદૂર મયૂર સૂર પૂરત શાતુર ઝંખે મિલન!

ફાલ્યો વડલો ને ફાલ્યો પીપળો, ફાલ્યું ફાલ્યું રે બાજરાનું ખેત;
શ્રાવણને પગલે થઈ રે રંગીલી રેત!

સપ્તરંગનો સૂર સજાવી ગગન ગજાવી સાધન શ્રાવણ આયો રે
ડિમ ડિમ ડિમાક ડિમ ડિમ ડિમાક
ડિમ ડિમ ડિમ ડિમ ઢોલ બજાવી વરસંતો વરતાયો રે

મોતીની સેર મજાની લીલુડા લહેરિયાની લાવ્યો વ્હાલીડો હેત!
શ્રાવણને પગલે થઈ રે રંગીલી રેત!

વરસંતી વર્ષાને નીરે ભીંજાતી રે
સ્થિર નહીં અસ્થિર સમીરે
નયના ધીરે સરિતા તીરે એક સખી રે
નયન પરોવે નયન થકી બની ભગ્ન મગ્ન મનનો સાજન…

– અવિનાશ વ્યાસ

અડધાં કમાડ અમે વાખ્યાં

No Comments

 

 

અડધાં કમાડ અમે વાખ્યાં ,
ઉંબર થી મોભ લાગી અડવડતાં અંધારાં ઝાઝાં ઢોળ્યાં ને થોડાં ચાખ્યાં ;

તાંબા ની તાસકમાં ઠાર્યો કંસાર
રાત ઠારી કેમેય નથી ઠરતી ,
આઠે પહોર જેના ઉડતી વરાળ
એવી હું કહેતા ધગધગતી ધરતી ,
કારણ માં એવાય દિવસો પણ હોય
જેણે સોણલે સજાણ નથી રાખ્યા ;

હું રે ચબુતરા ની ઝીણેરી જાર
કોઈ પારેવું આવે નહિ ચણવા ,
મુઠીયે હોઉં અને માંણું યે હોઉં
કોણ બેઠું છે દાણાઉ ગણવા ;

સવળાં બોલાવીએ તો અવળાં સમજાય એવાં કવળાં તે વેણ કોણે દાખ્યાં ,
અડધાં કમાડ અમે વાખ્યાં ….

– સંજુ વાળા

સ્વર : ગંગોત્રી

સ્વરાંકન : ડો ભરત પટેલ

નામ તમારું લખ્યું….

No Comments

 


 

નામ તમારું લખ્યું હજી ત્યાં આંસુ આવ્યાં આગળ ઝળઝળિયાંની ઝાંખપ વચ્ચે લખીએ ક્યાંથી કાગળ

સુખની ઘટના લખું તમોને ત્યાં દુ:ખ કલમને રોકે
દુ:ખની ઘટના લખવા જાઉ ત્યાં હૈયું હાથને રોકે
છેકાછેકી કરતાં કરતાં પૂરો થયો આ કાગળ
નામ તમારું લખ્યું હજી ત્યાં આંસુ આવ્યાં આગળ

અમે તમારાં અરમાનોને ઉમંગથી શણગાર્યા
અમે તમારાં સપનાંઓને અંધારે અજવાળ્યાં
તોય તમારી ઈચ્છા મુજથી દોડે આગળ આગળ ઝળઝળિયાંની ઝાંખપ વચ્ચે લખીએ ક્યાંથી કાગળ

– મેઘબિંદુ

સ્વર : હંસા દવે

જાવ મથૂરા ત્યારે

No Comments

જાવ મથૂરા ત્યારે, ઉધ્ધવ ! લઇ જાજો સંગાથે !
ગોકુળથી શું જાય અતિથિ તદ્ન્પ ઠાલા હાથે ? !

અધખૂલી આ કમળકળીમાં આંસુ ઝીલી લેજો ;
લિપિબદ્ધ એ વિરહ્વ્યથાઓ જઈ શ્યામને દેજો !
ઉધ્ધવ ! એને કહેજો :પૂનમને અજવાળે વાંચે ;
તો ય કદાચિત્ દાઝી જાશે આંખ , અક્ષ્રરી આંચે !

ઊનાં ધગધગતા નિશ્વાસો નથી આપતાં સાથે !
જાવ મથૂરા ત્યારે, ઉધ્ધવ ! લઇ જાજો સંગાથે !

લો, આ મોરમુકુટ ,વાંસળી ,વૈજયંતીની માળા ;
કદમ્બની આ ડાળ , વસન રાધાનાં અતિ રૂપાળાં !
સ્મૃતિચિહન સઘળાં એકાંતે જયારે શ્યામ નીરખશે ;
ત્યારે વ્રજને સંભારીને ધ્રૂસ્કે ધ્રૂસ્કે રડશે !

કહેજો કે આ યમુનાતટની ધૂળ ચઢાવે માથે !

જાવ મથુરા તારે, ઉધ્ધવ ! લઇ જાજો સંગાથે !
ગોકુળથી શું જાય અતિથિ તદન ઠાલા હાથે ? !

-વિરુ પુરોહિત

સ્વરાંકન : ડો ભરત પટેલ

…. જ્યાં રાત ગુજારી

No Comments

 


રમણલાલ વ દેસાઈ

 


 

જાઓ, જાઓ જ્યાં રાત ગુજારી ;
ભૂલી પડી મદભર તમ નૈયાં !
ચરણ ચલિત, તંબોલ અધર પર,
લાલ છૂપે નહીં છલબલ ચૈનાં !

હાર ચુમ્બિત હૈયું ક્યમ ઢાંકો ?
કંકણવેલી ક્યહાં ચિતરાવી ?
અંજન ડાઘથી ઓપે કપોલ !
બધી રજની ક્યમ ત્યાં ન વિતાવી !

– રમણલાલ વ દેસાઈ

સ્વર : કૌમુદી મુનશી

સ્વરાંકન : કૌમુદી મુનશી

હૃદય વિરાજે તુલસીમાલા

No Comments

 


સંજુ વાળા
 

કવિશ્રી સંજુ વાળા વિષે વધુ વાંચવા click કરો : સંજુ વાળા

 


 

Click the link below to download :

Hriday Viraje
 
 

હૃદય વિરાજે તુલસીમાલા
હાથ ગ્રહી રુમઝૂમ કરતાલા
હરિ વ્હાલા રે …. હરિજન વ્હાલા ….

ચૌદ ભુવન મંડળ ઘૂમરાતા સ્થિર મૂરત ચિરકાલા
મહારાસ માંડ્યો વ્રેમાંડે પ્રગટી હસ્ત મસાલા

તાલ ,ઠેક તાલી આવર્તન
ગાવત મેઘ વાજત જપમાલા
હરિ વ્હાલા રે …. હરિજન વ્હાલા ….

આર્દ ભાવ રસભીનું ભીતર મુખ શ્રીનામ સબૂરી
પદ, અર્વન, તૂરિયા ઘટ દર્શન મધ્યે નહીં કોઈ દૂરી
હરિ વ્હાલા રે …. હરિજન વ્હાલા ….

તુમ વહેતી કિરતન ધનધારા
તું જ પ્રેમ પદારથ હાલા
હરિ વ્હાલા રે …. હરિજન વ્હાલા ….

– સંજુ વાળા

સ્વર : પ્રીતિ ગજ્જર

સ્વરાંકન : ડો ભરત પટેલ

 
 
 

 
 
 

ભટકતા જંગલે જંગલ

No Comments

 

રમણલાલ વ દ્દેસાઈ
 

કવિશ્રી રમણલાલ વ દેસાઈ વિષે વધુ વાંચવા click કરો : રમણલાલ વ દેસાઈ
 


 

ભટકતા જંગલે જંગલ પુકારી ઈશ્કની બાંગો;
ઘૂમે સૂનકાર ત્યાં સઘળે ! હમારી ઝોળી ખાલી છે !

મઢી ને ઝૂંપડી ઢૂંઢી ,કમાડો કૈંક ખખડાવ્યાં ,
ન સૂતાં કોઈ યે જાગે, હમારી ઝોળી ખાલી છે !

ગયા મસ્જિદ ને મંદિરે, બધા ત્યાં પાક મરજાદી ;
ન અડકે આ અસ્પૃશ્યો ને, હમારી ઝોળી ખાલી છે !

સદાવત સ્નેહનાં ક્યાં છે ? પરબ ક્યાં પ્રેમની બેસે ?
બતાવો જાણતા હો તો ! હમારી ઝોળી ખાલી છે !

અમી આંજી નજર ક્યાં છે ? જીગરનાં આંસુડાં ક્યાં છે ?
થશે બસ એક બિંદુથી ! હમારી ઝોળી ખાલી છે !

– રમણલાલ વ દ્દેસાઈ

સ્વર : પુરૂષોત્તમ ઉપાધ્યાય

સ્વરાંકન : આશિત દેસાઈ

Older Entries Newer Entries