ટેસ્ટ

Comments Off on ટેસ્ટ

કે મને ઝાકળ જેવું તો કંઈક આપો!

Comments Off on કે મને ઝાકળ જેવું તો કંઈક આપો!

 

[wonderplugin_audio id=”1456″]

 

કે મને ઝાકળ જેવું તો કંઈક આપો HEMA DESAI.mp3

 

કે મને ઝાકળ જેવું તો કંઈક આપો!
દરિયાની કામનાને વાચા ફૂટે તો કહે,
વાદળ જેવું તો કંઈક આપો.

આરપાર દ્રુષ્ટિના ઉતરે જળકાફલા,
એવી છે ખીણ મારી આંખમાં,
ઈચ્છાના પંખી લઈ ઊડ્યા આકાશ,
મારી છાતી ધબક્યાની રાત પાંખમાં.

કોણ જાણે કેવી છે પવનોની વાત,
મને અટકળ જેવું તો કંઈક આપો.

જંગલ એવું છું કે આસપાસ ઘુમરાતા
ટહુકાઓ જીરવ્યા જીરવાય નહિ,
સૂરજ ઊગે ને રોજ થઈ જાઉં વેરાન,
મારા પડછાયા ઝાલ્યા ઝલાય નહિ.

મારી એકાદી આંગળીને કાપી કરું કલમ,
કાગળ જેવું તો કંઈક આપો.

-વીરુ પુરોહિત

સ્વરઃ હેમા દેસાઈ
સ્વરાંકન : આશિત દેસાઈ
 
સૌજન્ય : ગિરીશ ભાઈ લંડન અને પ્રતિકભાઈ મહેતા

 

પવનપાતળો કાગળ લઈને

Comments Off on પવનપાતળો કાગળ લઈને

 

પવનપાતળો કાગળ લઈને નભમાં ઊડે અગાશીજી;
વાંસ-સળીનો કિત્તો લઈને લખતી ગઝલ ઉદાસીજી!

પવન સૂસવે ઘડીક સામટો, ઘડીક ખાતો ખત્તાજી;
શ્વાસ હાવરા-પુલશા થઈને સાચવતા કલકત્તાજી !
ઠાગાઠૈયા, ઠુમકા, ઝૂમખાં હુંકારે અવિનાશીજી…

કાગળ પર રેશમના દોરે કન્યા બાંધે કન્નાજી;
પવન ટપાલી થઈ પહોંચાડે કાગળ એ જ તમન્નાજી!
કંઈ ગગનમાં તરે માછલી, એકલ મીન પિયાસીજી…

વિના અમાસે સૂર્ય ઘેરતા રાહુ બની પતંગાજી;
ધોળે દા’ડે નભમાં આલે અંધકારના દંગાજી!
આ જ ધરાનું પાણીપત ને આ જ ગગનનું પ્લાસીજી!

– ભગવતીકુમાર શર્મા

 

તરણા ઓથે ડુંગર રે

Comments Off on તરણા ઓથે ડુંગર રે

 
[wonderplugin_audio id=”1455″]

 
તરણા ઓથે ડુંગર રે, ડુંગર કોઈ દેખે નહીં;
અજાજૂથ માંહે રે, સમરથ ગાજે સહી

સિંહ અજામાં કરે ગર્જના, કસ્તુરી મૃગરાજન્ ,
તલને ઓથે જેમ તેલ રહ્યું છે, કાષ્ઠમાં હુતાશન;
દધિ ઓથે ધૃત જ રે, વસ્તુ એમ છૂપી રહી
તરણા ઓથે ડુંગર રે….

કોને કહું ને કોણ સાંભળશે? અગમ ખેલ અપાર,
અગમ કેરી ગમ નહીં રે, વાણી ન પહોંચે વિસ્તાર;
એક દેશ એવો રે, બુધ્ધિ થાકી રહે તહીં
તરણા ઓથે ડુંગર રે….

મનપવનની ગતિ ન પહોંચે, છે અવિનાશી અખંડ,
રહ્યો સચરાચર ભર્યો બ્રહ્મપૂરણ, જેણે રચ્યાં બ્રહ્માંડ;
ઠામ નહીં કો ઠાલો રે, એક અણુમાત્ર કહીં
તરણા ઓથે ડુંગર રે….

સદ્ ગુરુજીએ કૃપા કરી ત્યારે, આપ થયા પ્રકાશ;
શાં શાં દોડી સાધન સાધે? પોતે પોતાની પાસ;
દાસ ‘ધીરો’ કહે છે રે, જ્યાં જોઉં ત્યાં તું હિ તું હિ
તરણા ઓથે ડુંગર રે…

– ધીરો ભગત

સ્વર: કૌમુદી મુન્શી
સ્વરાંકન : પુરષોત્તમ ઉપાધ્યાય

 

બધાં વળગણ, બધા સગપણ

Comments Off on બધાં વળગણ, બધા સગપણ

 
[wonderplugin_audio id=”1454″]

 

ભાર્ગવ ઠાકર
 

બધાં વળગણ, બધા  સગપણ, બધું મિથ્યા  છે, છોડી દે,
તું  કેળવ  આટલી  સમજણ – બધું  મિથ્યા છે, છોડી દે.

કરચલીઓ   ત્વચા   પરની   સહજતાથી  ઝીલી  લઈને,
કહે   છે   આટલું   દર્પણ – બધું    મિથ્યા છે,  છોડી  દે.

નથી   સંયમ,  નિખાલસતા, અલખનો રંગ પણ ક્યાં છે ?
તો ભગવા   કેમ છે પહેરણ ? બધું મિથ્યા છે,   છોડી દે.

હું     ઓજારો    લઈ      કંડારવા   બેસું   મહેચ્છાઓ,
મળે. ત્યાં   એટલી  ટાંચણ, બધું   મિથ્યા છે, છોડી   દે.

પરમને   પામવા   શરણું   જ   પૂરતું    છે     પ્રતીક્ષાનું,
વરસ, મહિના, દિવસ કે  ક્ષણ બધું મિથ્યા છે, છોડી  દે.

– ભાર્ગવ ઠાકર

સ્વરઃ ડો ભરત પટેલ
સ્વરાંકન :ડો ભરત પટેલ
 

Older Entries

@Amit Trivedi