દુનિયા તો કેવળ નાટક છે

Comments Off on દુનિયા તો કેવળ નાટક છે

 


કિશોર બારોટ
 
દુનિયા  તો  કેવળ  નાટક છે.
હું પણ નટ ને તું પણ નટ છે.

આજે રાજા, કાલ ભિખારી,
અહીંયા કાયમ કોનો વટ છે.

અદ્દલ તારો રોલ ભજવજે,
માંડ મળી લાખેણી તક  છે.

હોય  જમાવટ   ગમ્મે  તેવી,
પરદો   પડવાનો   છેવટ  છે.

દિગ્દર્શન કરતો ગાયબ રહી,
ઈશ્વર પણ  કેવો  નટખટ છે.

– કિશોર બારોટ
 

ચાલ્યા જતા પ્રસંગની એકાદ ક્ષણ રહે

Comments Off on ચાલ્યા જતા પ્રસંગની એકાદ ક્ષણ રહે

 

 

ચાલ્યા જતા પ્રસંગની એકાદ ક્ષણ રહે
તોપણ પૂરા પ્રસંગનું વાતાવરણ રહે.

જો દ્રષ્ટિ સ્થિર થાશે તો જોઈશ ધરાઈને
પણ ત્યાં સુધી એ રૂપ ઉપર આવરણ રહે.

મારી ક્ષિતિજ લઈને હું ફરતો રહ્યાં કરું
મર્યાદા એની એ રહે ને વિસ્તરણ રહે.

મન થાય ત્યારે યાદ નિરાંતે કરું નહીં ?
એ શું કે વાતવાતમાં તારું સ્મરણ રહે !

સ્વપ્નાંય બહુ તો ઓગળી ઝાકળ થઈ ગયાં
જીવનમા તો પછી ‘ફના’ ક્યાંથી ઝરણ રહે ?

– જવાહર બક્ષી

સ્વર : આલાપ દેસાઈ
સ્વરાંકન : આશિત દેસાઈ

 
સૌજન્ય : પ્રણય વસાવડા
 

કહીને હેનો બોલાવસ?..

Comments Off on કહીને હેનો બોલાવસ?..

 

લાજતો નથ બળ્યા કાળમુખા, મન ‘બેન’ કહીને હેનો બોલાવસ ?
હૈયાના દેતવાને ઠારવાનો હોય, તું રોયા ફૂંકી- ફૂંકીને પેટાવસ ?

બેન તારી હગલીયું ને બેન બલારાત, બેન તારી પાડોશણ રાધા,
ઈ રાધુડી પયણીને બીજે ગુડાય ઈની રાખી સે મનમાં મેં બાધા,
આખા મલકમાં છાકટો ફરસ, ને મન જન્ટલમનવેડા દેખાડસ ?
લાજતો નથ બળ્યા કાળમુખા, મન બેન કહીને હેનો બોલાવસ ?

ઓતરા દાડે હું દહીં લેવા આવું’સ, તે મારે ત્યાં ગાય-ભેંશુ નથ ?
ઊંધું ઘાલીને મૂઆ વાટકી દઈ દે’સ, તને પઈનુંય હમજાતું નથ ?
હંધાયે લોકની સેડતી કરસ, ને મને શાહુકાર થઈને કવરાવસ ?
લાજતો નથ બળ્યા કાળમુખા, મન બેન કહીને હેનો બોલાવસ ?

– દેવાંગી ભટ્ટ

 

Paresh VYAS explains :

This girl is really annoyed 😠 when a suitable boy addresses her as his sister, ofcourse out of respect..!
She doesn’t mince words to announce her feelings..
What a directness!
Probably Radhudi triggered reaction.
She is utmost outspoken in a spoken rustic musical language.
Wah!

 

રસ્તો ટૂંકો લાગે છે…

Comments Off on રસ્તો ટૂંકો લાગે છે…

 

શિરીષ શાહ ‘પ્રણય’
 
આંગળીઓ પકડીને  ચાલો, રસ્તો ટૂંકો લાગે  છે,
એકબીજાની સાથે બોલો,  રસ્તો   ટૂંકો  લાગે છે.

મિત્રભાવથી ભેગા થઈને સૌએ આગળ વધવાનું,
આનંદ ને ઉલ્લાસથી ડોલો, રસ્તો  ટૂંકો લાગે છે,

સાચે સાચું રૂપ તમારું જોવાનું    તો   બાકી  છે,
લાગણીઓનો ભરી લો થેલો,રસ્તો ટૂંકો  લાગે છે,

હૈયું મારું તુજ  હૈયામાં   ખોવાનું   તો   બાકી છે,
એકબીજાના   દિલને  ખોલો, રસ્તો ટૂંકો લાગે છે,

માર્ગ  ભલેને  લાંબો  છે, ચિંતા   સહેજે કરતાં ના,
પ્રેમભાવથી  પ્રશ્ન  ઉકેલો,  રસ્તો ટૂંકો   લાગે  છે,

–શિરીષ શાહ ‘પ્રણય’ વડોદરા
 

ભીતર લે લાગી છે

Comments Off on ભીતર લે લાગી છે

 

 

અડગ અડીખમ, ઓછરવું જાણે ના તલભર લે લાગી છે
કચકચાવી ભેંટી પડીએ એવી ભીતર લે લાગી છે

નામ – ઠામ કે સરનામા વિનાની સધ્ધર લે લાગી છે
કળી રહી છે થઈને ઝીણું ઝીણું કળતર લે લાગી છે

ઘરની છત-દિવાલ ફૂંફવે થઈ ફણીધર લે લાગી છે
લઇ નિમંત્રણ દરવાજે ઊભો માણીગર લે લાગી છે

ઝીલી લે સૌ સ્થાનકના સત્કાર અરે ઓ મહામારગી !
નીકળી જા કુંડાળું છોડી ઠીક સમયસર લે લાગી છે

આ તે ક્યું કૌતુક ભેદ ના ભાસે બિલકુલ લય, પ્રલયમાં
વ્હાલ ઊગ્યું છે એની સાવ લગોલગ જબ્બર લે લાગી છે

સ્વાદ ઘ્રાણ રસ રૂપ બધુએ ખરી પડે એક ખોંખારામાં
ઝીલે ના કોઇ જરા સરીખી ઝીંક વખંભર લે લાગી છે

કોને ક્યાં ક્યાં કેવી લાગી એ પૂછીને પંડિત ન થા
પ્રેમીજન શી દ્દષ્ટિ કેળવ જો સરાસર લે લાગી છે

ક્યાંક કળાશે તંબૂરરવમાં, ક્યાંક કથામાં કથાઇ રહી છે
ક્યાંક અજાચક, અણજાણી, અણકથ ઘરોઘર લે લાગી છે

લે-માં ‘ને લે-માં જ હવે તો ઝળી રહી છે જાત સદંતર
ઝાલો તો ઝાલો હળવેથી બાંય હરિવર ! લે લાગી છે

-સંજુ વાળા
 

સ્વર : હેમંત ચૌહાણ

 

Older Entries Newer Entries

@Amit Trivedi