સહજ સાંભરે એક બાળા ગુણીજન
Jul 11
ગઝલ Comments Off on સહજ સાંભરે એક બાળા ગુણીજન
સહજ સાંભરે એક બાળા ગુણીજન
ગઝલ ગીતની પાઠશાળા ગુણીજન
પ્રણયની પઢી પાંચ માળા ગુણીજન
ખુલ્યાં બંધ દ્વારોનાં તાળા ગુણીજન
નહીં છત મળે તો ગમે ત્યાં રહીશું
ભરો કિન્તુ અહીંથી ઉચાળા ગુણીજન
કદી પદ – પ્રભાતી કદી હાંક ,ડણકાં
ગજવતા રહે ગીરગાળા ગુણીજન
પડયો બોલ ઝીલે, ઢળે થાળ માફક
નીરખમાં ય નમણા , નિરાળા ગુણીજન
ધવલ રાત્રી જાણે ધુમાડો ધુમાડો
અને અંગ દિવસોનાં કાળા ગુણીજન
આ મત્લા થી મક્તા સુધી પહોંચતા તો
રચાઈ જતી રાગમાળા ગુણીજન
– સંજુ વાળા
સ્વર : ઓસમાણ મીર