હૃદય વિરાજે તુલસીમાલા
Dec 17
ગીત Comments Off on હૃદય વિરાજે તુલસીમાલા
નરસિંહ (એક શબ્દચિત્ર )
હૃદય વિરાજે તુલસીમાલા
હાથ ગ્રહી રુમઝુમ કરતાલા
હરિ વ્હાલારે….. હરિજન વ્હાલા……
ચૌદ ભુવન મંડળ ઘૂમરાતા સ્થિર મૂરત ચિરકાલા
મહારાસ માંડયો વ્રેમાંડે, પ્રગટી હસ્ત-મશાલા
તાલ, ઠેક, તાલી, આવર્તન,
ગાવત મેઘ વાજત જપતાલા
હરિવ્હાલા રે….. હરિજન વ્હાલા……
આર્દ્ર ભાવ, રસભીનું ભીતર, મુખ શ્રીનામ, સબૂરી
પદ, અર્ચન, તૂરિયા, ખટદર્શન મધ્ધે નહી કોઈ દૂરી
તું વહેતી કિરતન ઘનધારા
તું જ પ્રેમપદારથ હાલા
હરિ વ્હાલા રે….. હરિજન વ્હાલા
હૃદય વિરાજે તુલસીમાલા
હાથ ગ્રહી રુમઝુમ કરતાલા
હરિ વ્હાલા રે….. હરિજન વ્હાલા
– સંજુ વાળા
સ્વર : પ્રિતી ગજ્જર
સ્વરાંકાન : ડો ભરત પટેલ