ચકલીની ચાંચ
Jan 27
ગીત Comments Off on ચકલીની ચાંચ
તૂટે તૂટે રે ચકલીની ચાંચ
ના દર્પણ તૂટે ના દર્પણમાં દેખાતું સાચ
સૌ લીલાછમ તરણા પાસે દોડી દોડી પૂગે
ભોં વિંધ્યાની પીડા કેમે આપણમાં ના ઉગે
સામે દેખ્યું સાચું ના દેખાતું ગણ્યું ભાસ
ના દેખાતું ઉકેલવાના ક્યાં છે હવે ખમીર
સૌ પાસે છે મન બાંધવા નહિતર દોરી હીર
રોજ રોજ ફૂટીને દર્પણ થાતું અંતે કાચ
તૂટે તૂટે રે ચકલીની ચાંચ
– હરીશ વડાવીયા
સ્વર : સોહેલ બ્લોચ, ઉર્વશી પંડ્યા
સ્વરાંકાન : ડો ભરત પટેલ
આસ્વાદ : સ્નેહી પરમાર