Archive for February 23rd, 2019

હશે મારી દશા કેવી

Saturday, February 23rd, 2019

 

હશે મારી દશા કેવી તને સમજાય છે સાકી!
હવે પીધા પછી પણ મારું દિલ ગભરાય છે સાકી.

અસર આવી નથી જોઈ, મેં વર્ષોની ઈબાદતમાં,
ફક્ત બે જામમાં તરત જ જીવન બદલાય છે સાકી.

ભલે એ સત્ય છે, પણ વાત છે જૂના જમાનાની,
નશામાં પણ હવે ક્યાં આદમી પરખાય છે સાકી?

‘મરીઝ’ આવા નશામાં પણ આંખ ઉઘાડી રાખે છે,
ખબર કોને કે એની આંખ ક્યાં મીંચાય છે સાકી

અબ્બાસ વાસી ‘મરીઝ’

સ્વર : ઓસમાન મીર