તું કહે છે અશ્રુ ચાલ્યા જાય છે
Jul 22
ગઝલ Comments Off on તું કહે છે અશ્રુ ચાલ્યા જાય છે
તું કહે છે અશ્રુ ચાલ્યા જાય છે
હું કહું છું જિંદગી ધોવાય છે
યાદ તારી ઉરમાં માતી નથી
એટલે તો આંખથી છલકાય છે
આપના દર્શનની ખૂબી શું કહું,
દિલના દસ કોઠામાં દીવા થાય છે
હાથ મારો છોડી એ જાતા નથી
બેઉ દુનિયા હાથમાંથી જાય છે
અર્થની ચર્ચા મહીં શયદા બધો
જિંદગીનો અર્થ માર્યો જાય છે
-શયદા
સ્વર : સોલી કાપડિયા
સ્વરાંકન : સોલી કાપડિયા