આ શબ્દ હવે છૂટે તો સારું

No Comments

 

આ શબ્દ હવે છૂટે તો સારું.
મૌન સુધીના મારગ માંડ મળ્યા છે,
વાટ ખૂટે તો સારું.

સંબોધનમાં, સંબંધોમાં,
માયાની માયામાં,
પગલે પગલે શબ્દ અહીં રોકી રાખે છે,
એના પડછાયામાં;

આ મનમાં પળ પળ ઊગતા રહેતા મોહ
હવે છૂટે તો સારું.

ક્યાં અધવચ્ચે, ક્યાં મઝધારે
ક્યાં અંતરને આરે,
ખુદને મૂકી પાછળ ચાલ્યા,
પાછા ફરશું ક્યારે!

આ જીવતર જેવું જીવતર અટવાયું છે,
જાળ તૂટે તો સારું.

આ શબ્દ હવે છૂટે તો સારું.
મૌન સુધીના મારગ માંડ મળ્યા છે,
વાટ ખૂટે તો સારું.
આ શબ્દ હવે છૂટે તો સારું.

-માધવ રામાનુજ

સ્વર : શેખર સેન
સ્વરાંકન : સુરેશ જોશી

તમે ગાયા આકાશ ભરી પ્રીતે

No Comments

તમે ગાયા આકાશ ભરી પ્રીતે
તે ગીત કહો મારાં કહેવાય કઈ રીતે

ગીતને તો અવતરવું ઇચ્છાથી હોય છે
કે ચાલ જઈ કંઠ કંઠ મ્હાલીએ
આપણે તો એવડા તે કેવડા
જે મારું છે ચાલ કહી ગજવામાં ઘાલીએ

જે પ્રેમ કરી પામે તે જીતે
તે ગીત કહો મારા કહેવાય કઇ રીતે
અમને અણદીઠ હોય
સાંપડ્યું કે સાંપડી હો પીડા એવી કે સહેવાય નહીં
એટલું જ હોય અને એટલાક હોવાના
મથુરાને ગોકુળ કહેવાય નહીં

અમે આપ્યા જે દેવકીની રીતે
તે ગીત હવે મારાં કહેવાય કઈ રીતે

– ધૃવ ભટ્ટ

સ્વર: રાસબિહારી દેસાઈ 

તમે ગાયા આકાશ ભરી પ્રીતે

No Comments

 

તમે ગાયા આકાશ ભરી પ્રીતે
તે ગીત કહો મારાં કહેવાય કઈ રીતે

ગીતને તો અવતરવું ઇચ્છાથી હોય છે
કે ચાલ જઈ કંઠ કંઠ મ્હાલીએ
આપણે તો એવડા તે કેવડા
જે મારું છે ચાલ કહી ગજવામાં ઘાલીએ

જે પ્રેમ કરી પામે તે જીતે
તે ગીત કહો મારા કહેવાય કઇ રીતે
અમને અણદીઠ હોય
સાંપડ્યું કે સાંપડી હો પીડા એવી કે સહેવાય નહીં
એટલું જ હોય અને એટલાક હોવાના
મથુરાને ગોકુળ કહેવાય નહીં

અમે આપ્યા જે દેવકીની રીતે
તે ગીત હવે મારાં કહેવાય કઈ રીતે

– ધૃવ ભટ્ટ

સ્વર: શબનમ વિરમાણી

Contact Us On WhatsApp @Amit Trivedi