ગુજરાતી સાહિત્ય

 

 

દુરિત કૂપે પડ્યો હું હે જગત્રાતા !
લોભન લતા નિરખી મુજ પાય ચૂક્યો
હે જગત્રાતા !

શ્રવણ ન ધરી તુજ મંગલ વાણી
કૂપમુખ અંધ બની ચરણ મૂક્યો
હે જગત્રાતા !

કરૂણ રૂદન સુણી તાત ! ઉગારો
નીરખી દિવ્ય પ્રભા હું અતિ ભૂખ્યો
હે જગત્રાતા !
દુરિત ફૂપે પડ્યો

નરસિંહરાવ દિવેટીઆ

 

સ્વર : પુરુષોત્તમ ઉપાધ્યાય અને વૃંદ
સ્વરાંકન : ક્ષેમુ દિવેટિયા

હે જી વ્હાલા સાવ રે અધૂરું મારું આયખું
હે જી બાકી છે રે કોડ અપરંપાર.

ભાઈ એને ગગન ભરીને દીધો વાયરો,
તોય એના ખૂટે છે શ્વાસ વારંવાર.

ભાઈ એ તો સુરજ-ચાંદાને તેજે ઉજળો,
તોય એની ભીતર છે કાળો અંધકાર.

ભાઈ એ તો અનંતનો અંત લાવે નામથી,
હે જી એને નિરંજનને કીધો છે સાકાર.

-નીનુ મઝુમદાર

સ્વરઃ પુરૂષોત્તમ ઉપાધ્યાય અને આશિત દેસાઈ
સ્વરાંકનઃ ક્ષેમુ દિવેટિયા