ગુજરાતી સાહિત્ય

શરણ્યે વરણ્યે સુકારણ્યપૂર્ણે
હિરણ્યોદરાદ્યૈરગમ્યેતિ પુણ્યે
ભવારણ્યભીતં ચ માં પાહિ ભદ્રે,
નમસ્તે નમસ્તે નમસ્તે ભવાનિ

રક્ષા કરો જગદંબા ભવાની
નિશ દિન રટું હું તો અંબા અંબા અંબા

વર્ણ વિવર્ણ વિવિરમે વાણી
ચૌદ ભુવનની હે મહારાણી
રક્ષા કરો જગદંબા ભવાની

અંતરમાં તું અંતરયામી
વિશ્વ સ્વરૂપે વિશ્વ સમાણી
ખમ્મા તમને માડી ઘણી ખમ્મા ખમ્મા ખમ્મા
રક્ષા કરો જગદંબા ભવાની

-નિનુ મઝુમદાર.

સ્વરઃ ઉદય મજમુદાર
સ્વરાંકન : નિનુ મજમુદાર

રાજ લખતરવી

 
 
હું અસલ  રીતે   અસલને  પી  ગયો
જામ માં  ઘોળી   ગઝલને  પી  ગયો

ભેદ  પીવામાં  કશો   રાખ્યો   નહીં
પી  ગયો અમરત ગરલને  પી  ગયો

અંજલિ   પીધી   ન   પીધી     ડાયરે
ત્યાં  હું  ખંગાળી  ખરલને  પી ગયો

શું   કહેવું    દોસ્ત    તરસ્યા   સૂર્યને
એ  જગતભરના  તરલને  પી   ગયો

ભર   બપોરે   ગટગટાવ્યા  ઝાંઝવા
ને  સવારે   ‘રાજ’  વલને  પી   ગયો

-રાજ લખતરવી

સ્વરઃ ડો ફિરદૌસ દેખૈયા
સ્વરાંકન : ડો ફિરદૌસ દેખૈયા