સુની સમંદર પાળે મળજે
Sep 28
ગઝલ Comments Off on સુની સમંદર પાળે મળજે
સુની સમંદર પાળે મળજે
અથવા રણની ભાળે મળજે.
ચમકી ઉઠશે અગ્નિ પુષ્પો
વડવાનલ ની ડાળે મળજે
ભસ્મકણી લઈ પાછો આવીશ
તું પૃથ્વીની નાળે મળજે .
કોઈ કશે નીરખે નહીં ત્યારે
તેજ તિમિર ના તાળે મળજે .
સાવ અટૂલી એકલ મળજે
ઓ વ્યથા હરકાળે મળજે .
વસ્ત્ર તિમિરનું હડસેલીને
સૂર્યકિરણ ની સાળે મળજે .
કોઈ હથેળીમાં ઘર બાંધીને
એના ઊંચા માળે મળજે
-મહેન્દ્ર જોશી
સ્વર : નિગમ ઉપાધ્યાય
સ્વરાંકન : ડો ભરત પટેલ