જંપવા દેતું નથી પળભર મને

No Comments

જંપવા દેતું નથી પળભર મને,
આ કોણ કોરી ખાય છે અંદર મને.

કોણ જાણે કેમ પણ જઉં છું નડી,
હું થવા દેતો નથી પગભર મને.

ઝેર ભોળા થાવ તો પીવું પડે,
બસ ગમે છે એટલે શંકર મને.

પ્રશ્ન તો મિસ્કીન આ કેવળ એક છે,
પણ જડ્યા છે કેટલા ઉત્તર મને?

-રાજેશ વ્યાસ ‘મિસ્કીન’

સ્વરઃ સંજય ઓઝા
સ્વરાંકન : સંજય ઓઝા

ગોરંભા ઉમટ્યા ઘેઘૂર આભમાં..

No Comments

જી રે…ગોરંભા ઊમટ્યા ઘેઘુર આભમાં
ઘેરા પડછંદા ડણકે આરંપાર રે
ઊંડે અજવાળા તબકી- ઝબકી જાગતાં
જાણે ઝીણેરું ઝળકંતી તલવાર રે જી રે…ગોરંભા ઊમટ્યા ઘેઘુર આભમાં

તપતી માટીએ કીધી કંઇ કંઇ આરદા
ઊંચું ઝાંખે રે જળતળ થઈને સાબદા
વેરી તૂટ્યા તૂટ્યા કાંઈ વચનું વાયદા
ક્યાંથી ચડશે ક્યાં ઢળશે ચતરંગ સાયબો
કોઈ અણસારો ઊગે ના લગાર રે જી રે…ગોરંભા ઊમટ્યા ઘેઘુર આભમાં

કેવા ગઢની કુંવરીયું કોણે નોતરી
અક્ષત-કંકુ લૈ ઊભી જે આગોતરી
દીધી જળના સ્વયંવરની કંકોતરી
કરશે લેખા-જોખા ને અક્ષર માંડશે
મોંઘા મૂલે મુલવાશે મૂશળધાર રે જી રે…ગોરંભા ઊમટ્યા ઘેઘુર આભમાં

-સંજુ વાળા

સ્વરઃ પ્રહર વોરા
સ્વરાંકન : ડો ભરત પટેલ

દિલ મહીં તારા સ્મરણ

No Comments

દિલ મહી તારા સ્મરણ ના ભાર થી
જીવતો લાગુ ફક્ત હું બ્હાર થી

કે, દિલાસા ની જરૂર પડતી નથી
હું ગઝલ લખતો થયો છું જ્યાર થી

ઓ ખુદા દુખ દે તો પારાવાર દે
કઈ ફરક પડતો નથી બે-ચાર થી

હું દુખો ને પણ ગણું છું અવસરો
તે રડ્યા’તા મારી સાથે જ્યાર થી

લાલ જોડા માં સજેલી જોઈ ને
હું વળ્યો પાછો સનમ ના દ્વાર થી

હોઠ આ “સાહેબ” ના મલકી ઉઠ્યા
ભૂલ થઇ લાગે છે તારણહાર થી

-ટેરેન્સ જાની ”સાહેબ”

સ્વર: નિધી મહેતા

સીમને સીમાડે…

No Comments

સીમને સીમાડે તને જોયો મારા બંદા !
પ્રીતચિનગારી પહેલી જોઇ જી જોઇ જી.

એકલ બપોરે તને જોઇ મારી રાણી !
અક્કલપડીકી મેં તો ખોઇ જી ખોઇ જી.

આંબલાની હેઠ ગોઠ કીધી મારા બંદા !
હરખની મારી હું તો રોઇ જી રોઇ જી.

હોઠની ધ્રુજારી તારી પીધી મારી રાણી !
હેતભીની આંખ મેં તો લોઇ જી લોઇ જી.

કંઠમાં ગૂંચાણી મૂંગી વાણી મારા બંદા !
નજરુંમાં નજર મેં પ્રોઇ જી પ્રોઇ જી.

વણબોલ્યા કોલ લીધા-દીધા મારી રાણી !
તાંતણે બંધાયાં ઉર દોઇ જી દોઇ જી.

આંબલાની મેર ઝૂક્યો તુંય મારા બંદા !
ફેર ફેર મોહી તને જોઇ જી જોઇ જી.

ઉરધબકાર એકતાર મારી રાણી !
ઊઠતા ઝંકાર એક સોઇ જી સોઇ જી.
……. સોઇ જી સોઇ જી.

-બાલમુકુન્દ દવે

સ્વર : પ્રહર વોરા
સ્વરાંકન :અમર ભટ્ટ
સંગીતઃ અમિત ઠક્કર

પ્રેમને વિસ્તરવાનું

No Comments

પ્રેમને વિસ્તારવાનું સહેજ પણ સ્હેલું નથી,
ને ધૃણાને નાથવાનું સહેજ પણ સ્હેલું નથી.

પ્રશ્ન ઊભો એક મારો જ્યાં હવે અસ્તિત્વનો,
ત્યાં તને આકારવાનું સહેજ પણ સ્હેલું નથી.

ભીતરે ડૂમો છુપાવી ક્યાં સુધી હસવું ભલા ?
રોતી આંખે બોલવાનું સહેજ પણ સ્હેલું નથી.

આંગળી પકડી ઉછેર્યા ને સીંચ્યું જળ પ્રેમનું,
છોડ એ ઊખેડવાનું સહેજ પણ સ્હેલું નથી.

દુશ્મનોની ભીડમાં એક મિત્રને જોયા પછી,
મિત્રતા નિભાવવાનું સહેજ પણ સ્હેલું નથી.

ક્યાં છે અઘરું ન્યાય કરવો આંખે પાટા બાંધીને ?
જુલ્મને સહેતા જવાનું સહેજ પણ સ્હેલું નથી.

-પ્રજ્ઞા વશી

સ્વર : પાર્થિવ ગોહિલ
સ્વરાંકન : મેહુલ સુરતી

Older Entries Newer Entries

@Amit Trivedi