શ્રદ્ધા શ્રીધરાણી  


શ્રદ્ધા શ્રીધરાણી


    Shradhdha Shrimankar Audio :


    1.mp3 2.mp3 3.mp3 4.mp3

    Shradhdha Shrimankar Video :


    Shradhdha Video

    શ્રદ્ધા શ્રીધરાણી નો પરિચય


    *આદરણીય સાયુજ્ય મિત્રો* ,

    એક એવા દિગ્ગજ ગુજરાતી સાહિત્યના લેખક શ્રી કૃષ્ણલાલ શ્રીધરાણી કે જેઓએ માત્ર ગુજરાતીમાં પણ નહીં અંગ્રેજીમાં પણ અનેક પુસ્તકો લખ્યા, શ્રી કૃષ્ણલાલ શ્રીધરાણીએ અભ્યાસ તે જમાનામાં અમેરિકા જઇ કર્યો હતો ( 1935 ) કદાચ ક.મા.મુનશી પછી એક જ એવી ગુજરાતી પ્રતિભા જેમણે ગુજરાતી સાથે અંગ્રેજીમાં જ આટલી સંખ્યામાં પુસ્તકો લખ્યા,

    આ જ મહાન લેખક ની પૌત્રી એટલે કે શ્રદ્ધા શ્રીધરાણી કે જેમનો આજે આપણે પરિચય કરવા જઈ રહ્યા છીએ વર્ષોથી સંગીત ક્ષેત્રે સેવા આપવા માટે ગવર્નર દ્વારા પ્રતિષ્ઠિત શીર્ષક "સંસ્કાર વિભૂષણ" દ્વારા પુરસ્કૃત અને સન્માનિત. ક્લાસિકલથી પશ્ચિમી, ગઝલ, સુફી થી ભક્તિ, ફિલ્મ્સ,ફૉલ્સ ટુ ફ્યુઝન, બોલીવુડથી ભજન, સમકાલીન સોલ અને અન્ય ઘણા બધા સંગીતવાદ્યોમાં તેની વર્સેટાઇલ અને અનુભવી વૉઇસ સહેલાઈથી આવે છે

    શ્રદ્ધા શ્રીધરાણી -

    વર્સેટાઇલ સિંગર | કંપોઝર | સંગીત નિર્દેશક|લેખિકા | પર્ફોર્મર | સંગીત ઇવેન્ટ્સ ઑર્ગેનાઇઝર

    તેમના માતાપિતા શ્રી પંકજભાઈ અને શ્રીમતી સરોજેબેન દ્વારા સંગીત અને સાહિત્યના સંસ્કાર. . (કાકા) દાદા વિશ્વના પ્રસિદ્ધ ગુજરાતી કવિ, લેખક, પત્રકાર અને દેશભક્ત શ્રી ક્રૃષ્ણાલાલ શ્રીધરાણી છે. જેમ મોરના ઈંડાને ચીતરવા ન પડે તે જ રીતે શ્રદ્ધામાં કૌટુંબિક કલાનો વારસો ભરપૂર રીતે ઉતર્યો છે અત્યાર સુધીની શ્રદ્ધા શ્રીધરાણીની અનેક સિદ્ધિઓ વિશે વિગતે જાણીએ,

    1.હિંદુસ્તાની ક્લાસિકલ વોકલમાં 'સંગીત વિશારદ' છે.'પ્રતિષ્ઠિત 'સંસ્કાર ભારતી' દ્વારા પદવી 'સંસ્કાર વિભૂષણ' ગુરુજી શ્રી ગુરુજી શ્રી કિશોરભાઇ શાહ પાસેથી શાસ્ત્રીય ગાયનની આગ્રા ઘરાના થી લઈને દરેક ઘરાનાની તાલિમ લીધી છે. અને કલ્યાણજી આનંદજી જેવા મહાન કલારથીઓ પાસેથી માર્ગદર્શન પ્રાપ્ત કર્યું છે.
    2 જગજીત સિંહજી, સુરેશ વાડેકરજી, અનુપ જલોટાજી, નદીમ શ્રવણ, અમિત કુમાર,સોનુ નિગમ, શાન, સુદેશ ભોંસલે વગેરે સાથે પણ સ્ટેજ શેર કર્યું છે.
    2. ગુજરાત રાજ્ય સ્તરમાં હિન્દુસ્તાની ક્લાસિકલ વોકલ અને લાઇટ વૉકલમાં વિજેતા અને શ્રેષ્ઠ ગાયક પુરસ્કાર
    3. "સ્ટાર વૉઇસ ઑફ ઇંડિયા માં વિજેતા
    4. ઉર્દુ ગઝલમાં 'એટ ઉર્દૂ-ગઝલ-સારા' માં રાષ્ટ્રીય પુરસ્કાર.
    5. 'ઝી ટીવી સા રે ગા મા' માં રાષ્ટ્રીય એવોર્ડ
    6. 'સ્ટાર વૉઇસ ઑફ ઈનાડા' માં આંતરરાષ્ટ્રીય એવોર્ડ.
    7. ગુજરાતી, હિન્દી, મરાઠી ફિલ્મ્સ અને ટેલિવિઝન અને વિવિધ સર્જનોમાં પ્લેબૅક.
    8. શ્રી નાનજી કાલિદાસ મહેતા ગૌરવ અવોર્ડ ગૌરવ પુરસ્કાર' અને 'પોરબંદર રત્ન પુરસ્કાર' સાથે સન્માનિત.
    9. શ્રેષ્ઠ પ્રતિભાશાળી ગાયક એવોર્ડ ગ્લેમર પુરસ્કારમાં,
    10. 'પ્રતિષ્ઠિત 'સંસ્કાર ભારતી' દ્વારા પદવી 'સંસ્કાર વિભૂષણ'- ધ ઓલ ઇન્ડિયા આર્ટ્સ એન્ડ લિટરેચર ઇન્સ્ટિટ્યુટ રાજ્યપાલ દ્વારા સોંપવામાં આવ્યું.
    11. તેમને ગુજરાતના "પ્રથમ ગુજરાતી સ્ત્રી સંગીતકાર અને સંગીત દિગ્દર્શક" તરીકે સન્માનિત કરવામાં આવ્યા છે. સંગીતકાર અને સંગીત દિગ્દર્શક તરીકે તેમનું આલ્બમ પ પૂ. મોરારિબાપુ દ્વારા વિમોચન થયું હતું.
    12. તેઓ જૈન ધર્મના આચાર્ય અને જૈન શિક્ષાવિદ શ્રી હેમચંદ્રાચાર્યજી રચિત ગીતો સ્વરાંકિત કરનાર પ્રથમ કલાકાર છે. તેમની કવિતાઓ, ગીતો અને તેમાં સ્તવન સંગીત આલેખ્યું.
    13. તેમને તેમના ( કાકા) દાદા કવિ શ્રી કૃષ્ણાલાલ શ્રીધરાણી , ડો. ચંદ્રકાંત શેઠની કવિતા, ગીતો અને સંગીતની રચના સ્વરબદ્ધ કરી છે. ગુજરાત સાહિત્ય એકેડેમી, ગુજરાત વિશ્વકોષ, ગુજરાત સાહિત્ય સભા, ફોરબ્સ વગેરેમાં યોગદાન આપ્યું છે ,
    14. લેખિકા તરીકે તેમના લેખો ગુજરાત સાહિત્ય એકેડમી, "ઇમેજ પબ્લિકેશન્સ" "મારી સાહેલી" "શબ્દસૃષ્ટી " અને ઘણાં વધુ સામાયિકોમાં પ્રકાશિત થયા છે.
    15. એક અભિનેત્રી તરીકે તેમણે ચિત્રલેખાના મહોત્સવમાં અને સુરત સાહિત્ય સભામાં રંગભૂમિના ખ્યાતનામ અભિનેતા ઉત્કર્ષ મઝૂમદાર સાથે અભિનય કર્યો છે.
    16. રિયાલિટી શો અને ઘણા બધામાં જજ તરીકે સેવા આપી છે

    અને અંતમાં ,

    સાયુજ્ય મિત્રો ને જણાવતા આનંદ થાય છે કે જાન્યુઆરી 2019 માં પરમ પૂજ્ય શ્રી મોરારીબાપુના હસ્તે, શ્રદ્ધાને રાવજી પટેલ પુરસ્કાર એનાયત થવા જઈ રહ્યો છે, સાયુજ્ય ગ્રુપ તરફથી અનેકગણી શુભકામના શ્રદ્ધા અને તેના આ કલાના શિરપાવ બદલ........ સાયુજ્ય ના કલા વિશારદ એવા શ્રદ્ધા શ્રીધરાણી વધુને વધુ આ ક્ષેત્રમાં અગ્રેસર રહી ગુજરાતી અને પ્રતિભાને ચાર ચાંદ લગાડે તેજ આશા અને અભ્યર્થના

    " શ્રધ્ધાની સ્વગતોક્તિ "

    યુવા પ્રતિભા શોધ સ્પર્ધામાં આપણાં સંગીતજ્ઞ ભદ્રાયુભાઇ ધોળકિયા જજ તરીકે હતાં અને એ સ્પર્ધામાં મને પ્રથમ પુરસ્કાર એનાયત થયો પછી એ સમયે તો હું બહુ નાની હતી હાઇ સ્કુલમાં જ કદાચ, એમણે મારી પ્રતિભા ઓળખી કહેલું કે તું જેટલું સુંદર ગાય છે એટલાં જ સુંદર સ્વરાંકનો કરી શકે તેમ છે, ગીતોને સ્વર દેવાનું પણ શરું કર..... જે પછી એની પ્રક્રિયા તો ચાલું હતી પણ આલ્બમ બનાવવાની તક નહોતી મળતી જે ઘણાં વર્ષો બાદ કલા પ્રતિષ્ઠાનનાં આલ્બમ વખતે શક્ય બન્યું. પણ એ વખતે મેં ભદ્રાયુભાઇ ને બહુ યાદ કરેલા. અને હા પં. કિશન મહારાજ, પં. શિવકુમાર શર્મા, ગુલામઅલી ખાઁ સાહેબ, પં. રાજન સાજન મિશ્રા, ડૉ. પર્ભા અત્રે, ઊષા મંગેશકરજી, પં. હરિપર્સાદ ચૌરસિયા આ સૌ દિગ્ગજો ની સમક્ષ મારી પ્રસ્તુતિ કરવાની કૃપા પ્રાપ્ત થઇ છે અને એ સૌનાં Appreciation અને અઢળક આશિષ મળ્યા છે એ મારું સદ્ભાગ્ય.


    હરીશ શાહ
    22 12 2018
    વડોદરા
  • Home