ગુજરાતી સાહિત્ય

& nbsp;

[wonderplugin_audio id=”323″]

કાજળ  ભર્યાં  નયનનાં  કામણ  મને  ગમે  છે
કારણ નહી જ  આપું,   કારણ   મને   ગમે  છે

લજ્જા   થકેલી   નમેલી પાંપણ  મને   ગમે  છે,
ભાવે છે  ભાર  મનને,   કારણ   મને   ગમે   છે

હસવું   સદાય  હસવું,   દુઃખમાં સદાય હસવું,
દિવાનગી તણું  આ  ડહાપણ  મને   ગમે   છે.

આવી ગયાં છે આંસુ, લુછો નહીં   ભલા  થઈ,
આ  બારેમાસ   લીલાં  તોરણ  મને   ગમે  છે

જીવન અને મરણની, હર પળ  મને  ગમે   છે,
કે ઝેર પણ   ગમે   છે,   મારણ   મને  ગમે  છે

દિલ તો હવે તને શું દુનિયા એ પણ નહી દઉં,
એ પણ મને ગમે છે, આ પણ   મને   ગમે   છે

લાવે    છે   યાદ   ફૂલો,  છાબો  ભરી-ભરી  ને
છે ખૂબ મોહબ્બતીલી, માલણ  મને  ગમે  છે

‘ઘાયલ’ મને મુબારક, આ ઊર્મિ કાવ્ય મારાં,
મેં   રોઈ   ને   ભર્યાં   છે,  એ રણ મને ગમે  છે

– અમૃત ઘાયલ

સ્વર : મનહર ઉધાસ